കർണാടകത്തിൽ ആറിടങ്ങളിൽ ദേശീയ അന്വേഷണ ഏജൻസി റെയ്ഡ് നടത്തി. ദക്ഷിണ കന്നഡ, ശിവമോഗ, ദാവന്ഗരെ, ബംഗളൂരു ജില്ലകളിലെ ആറ് സ്ഥലങ്ങളിൽ ആണ് എന്ഐഎ തിരച്ചില് നടത്തിയത്.ഉഡുപ്പി ജില്ലക്കാരനായ റെഷാന് താജുദ്ദീന് ഷെയ്ഖ്, ശിവമോഗ സ്വദേശി ഹുസൈര് ഫര്ഹാന് ബെയ്ഗ് എന്നിവരാണ് പിടിയിലായത്. നിരോധിത ഭീകര സംഘടനയായ ഇസ്ലാമിക് സ്റ്റേറ്റിന്റെ (ഐഎസ്) ഭീകരപ്രവര്ത്തനങ്ങള് നടത്താനും രാജ്യത്തിന്റെ ഐക്യവും സുരക്ഷയും പരമാധികാരവും അപകടത്തിലാക്കാനും പ്രതികള് ഗൂഢാലോചന നടത്തിയെന്ന് എന്ഐഎ കണ്ടെത്തി. നിരവധി ഡിജിറ്റൽ തെളിവുകൾ കണ്ടെടുത്തതായി എൻഐഎ വ്യക്തമാക്കുന്നുണ്ട് .
സമൂഹമാധ്യമങ്ങളിലൂടെ യാസിൻ ഐഎസ് ആശയങ്ങള് പ്രചരിപ്പിച്ചു. യാസിന് ഐഎസ് പരിശീലനം ലഭിച്ചിരുന്നു. യുവാക്കളെ റിക്രൂട്ട് ചെയ്യാനായി പ്രവര്ത്തിച്ചു. കോളേജിലെ സഹപാഠികളായിരുന്നവരില് ചിലരെ സയിദ് യാസിന് ഇത്തരത്തില് സ്വാധീനിച്ചു. സയിദ് യാസിന് പാകിസ്ഥാന് സന്ദര്ശിച്ചതിന്റെ രേഖകളും പൊലീസ് കണ്ടെത്തി. യാസിന് കഴിഞ്ഞിരുന്ന ശിവമോഗയിലെ വാടക വീട്ടില് നടത്തിയ റെയ്ഡില് സ്ഫോടക വസ്തുക്കളുടെ നിര്മ്മാണത്തിന് ഉപയോഗിക്കുന്ന സാധനങ്ങള് കണ്ടെത്തിയിരുന്നു. പ്രതികളായ റഷാന് താജുദ്ദീന് ഷെയ്ഖും ഹുസൈര് ഫര്ഹാന് ബെയ്ഗും ഇസ്ലാമിക് സ്റ്റേറ്റിന്റെ ഭീകരപ്രവര്ത്തനങ്ങള്ക്കായി ക്രിപ്റ്റോ വാലറ്റുകള് വഴി ഐസ് പ്രവര്ത്തകനില് നിന്ന് പണം കൈപ്പറ്റിയതായി അന്വേഷണത്തില് കണ്ടെത്തി. ഇവര് തീയിടുകയും വാഹനങ്ങളും മദ്യശാലകള്, ഗോഡൗണുകള്, ട്രാന്സ്ഫോര്മറുകള് മുതലായ സ്ഥാപനങ്ങള് ആക്രമിക്കുകയും ചെയ്തു. നേരത്തെ കേസില് രണ്ട് പേര് അറസ്റ്റിലായിരുന്നു. കേസില് വിശദമായ അന്വേഷണം പുരോഗമിക്കുകയാണ്.