മുതിർന്ന കോൺഗ്രസ് നേതാവ് എകെ ആന്റണിയുടെ മകൻ അനിൽ ആന്റണി ബിജെപിയില് ചേര്ന്നു. ദേശീയ ആസ്ഥാനത്തെത്തി കേന്ദ്രമന്ത്രി പീയൂഷ് ഗോയലില് നിന്നാണ് അനിൽ ആന്റണി പാര്ട്ട് അംഗത്വം സ്വീകരിച്ചത്. കേന്ദ്രമന്ത്രി വി മുരളീധരനും ബിജെപി സംസ്ഥാന അധ്യക്ഷന് കെ സുരേന്ദ്രനും ചടങ്ങില് പങ്കെടുത്തു. ബിജെപിയുടെ സ്ഥാപക ദിനത്തിലാണ് അനില് ആന്റണി പാര്ട്ടിയില് ചേര്ന്നത്.
കെപിസിസി ഡിജിറ്റല് മീഡിയ കണ്വീനറായിരുന്ന അനിൽ ആന്റണി കോൺഗ്രസ് നേതൃത്വവുമായി ഇടഞ്ഞാണ് ബിജെപി യിലേക്ക് പോവുന്നത്. വിവാദമായ ബിബിസി ഡോക്യുമെന്ററി ഇന്ത്യയുടെ പരമാധികാരത്തിന് മേലുള്ള കടന്നുകയറ്റമാണെന്നും മുന്വിധിയുടെ ചരിത്രമുള്ള ചാനലാണ് ബിബിസിയെന്നും അനില് ആന്റണി ട്വീറ്റ് ചെയ്തിരുന്നു