വയനാട് മാനന്തവാടിയില് ആളെ കൊല്ലി കാട്ടാനയെ പിടികൂടുന്നതിനുള്ള മണ്ണുണ്ടി ഭാഗത്തെ ദൗത്യം അവസാനിപ്പിച്ചു. ആനയുടെ സിഗ്നൽ കിട്ടിയശേഷം ദൗത്യ സംഘം അരികിലെത്തിയപ്പോൾ ആന സ്ഥലം മാറുകയാണ്. ആദ്യം മണ്ണുണ്ടി കോളനി പരിസരത്തേക്ക് നീങ്ങിയതായി സൂചന ലഭിച്ചെന്നും വനംവകുപ്പ് അധികൃതർ വ്യക്തമാക്കി. രണ്ടിടത്ത് തിരഞ്ഞെങ്കിലും ആന മറ്റു ഭാഗങ്ങളിലേക്ക് നീങ്ങിയതോടെയാണ് ദൗത്യസംഘം ശ്രമം താത്കാലികമായി അവസാനിപ്പിച്ചത്.
എല്ലാ സാഹചര്യവും അനുകൂലമായാൽ മാത്രമേ ആനയെ മയക്കുവെടി വെക്കുകയുള്ളൂ. കഴിഞ്ഞ ദിവസം നടത്തിയ തണ്ണീർക്കൊമ്പൻ ദൗത്യത്തിന്റെ പശ്ചാത്തലത്തിൽ ഏറെ മുൻകരുതലോടെയാണ് ദൗത്യസംഘത്തിന്റെ നീക്കം.
അതെ സമയം സ്ഥലത്ത് നിന്ന് മടങ്ങാന് തുടങ്ങിയ വനംവകുപ്പ് ഉദ്യോഗസ്ഥരെ നാട്ടുകാര് തടഞ്ഞതോടെ പ്രദേശത്ത് സംഘര്ഷ സാധ്യത നിലനില്ക്കുകയാണ്. ഉദ്യോഗസ്ഥര്ക്ക് ആത്മാര്ത്ഥതയില്ലെന്നാണ് പ്രതിഷേധക്കാര് പറയുന്നത്.