സിപിഐഎമ്മുമായിഅഭിപ്രായഭിന്നതകൾ നിലനിൽക്കുന്നതിനിടെ കെടിഡിസി ചെയർമാൻ സ്ഥാനം രാജിവെച്ച് പി കെ ശശി. കാലാവധി തീരാനായി 2 മാസം മാത്രം ബാക്കി നിൽക്കെയാണ് പി കെ ശശി ചെയർമാൻ സ്ഥാനം രാജിവെക്കുന്നത്. കെടിഡിസിയുടെ മാനേജിങ് ഡയറക്ടർക്ക് രാജിക്കത്ത് കൈമാറി. തിരഞ്ഞെടുപ്പ് മുന്നിൽകണ്ടുള്ള രാജിയെന്നാണ് സൂചന.
എന്നാൽ താൻ സിപിഐഎം അംഗത്വത്തിൽ ഇപ്പോഴും ഉണ്ടെന്നും പി കെ ശശി പറഞ്ഞു. യുഡിഫ് നേതാക്കളുമായി ശശി നിരന്തരം സമ്പർക്കത്തിൽ ആണെന്നും നടപടി വേണമെന്നും നേതാക്കൾ നേതൃത്വത്തെ നേരത്തെ തന്നെ അറിയിച്ചിരുന്നു. അതിനിടെ ഷൊർണൂർ സീറ്റ് ശശിക്ക് യുഡിഫ് വാഗ്ദാനം ചെയ്തതായും റിപോർട്ടുകൾ വന്നിരുന്നു.