കർഷക പ്രതിഷേധങ്ങൾക്കിടെ ഹരിയാന അതിർത്തികളിൽ സ്ഥാപിച്ചിരുന്ന ബാരിക്കേഡുകൾ നീക്കം ചെയ്ത് ഹരിയാന പോലീസ്. ശംഭു, ഖനൗരി എന്നിവയുൾപ്പെടെ രണ്ട് പ്രധാന അതിർത്തികളിൽ കർഷക പ്രതിഷേധം തുടരുന്നതിനിടെയാണ് അംബാലയ്ക്കും ചണ്ഡീഗഢ് ദേശീയ പാതയ്ക്കും ഇടയിൽ സ്ഥാപിച്ചിരുന്ന ബാരിക്കേഡുകൾ നീക്കം ചെയ്തത്.
അതെസമയം പ്രതിഷേധം തുടരുമെന്നും പിന്നോട്ടില്ലെന്നും പഞ്ചാബ്-ഹരിയാന അതിർത്തിയിൽ തങ്ങളുടെ സാന്നിധ്യം ശക്തമാക്കുമെന്ന് കർഷക സംഘടനാ നേതാക്കളും പ്രഖ്യാപിച്ചിട്ടുണ്ട്. ഹരിയാന അതിർത്തിയിൽ ഇരിക്കുന്ന പ്രതിഷേധക്കാർ സ്ഥലത്ത് മാത്രം പ്രതിഷേധം തുടരുമെന്ന് കർഷക നേതാവ് സർബൻ സിംഗ് പന്ദർ പറഞ്ഞു. അവർ ട്രാക്ടറുകൾ നീക്കില്ലെന്നും ആവശ്യേമായ സഹായം നൽകുമെന്നും അദ്ദേഹം പറഞ്ഞു. മാർച്ച് 6 ന് ഡൽഹിയിലേക്ക് മാർച്ച് നടത്തുമെന്ന് കർഷകർ നേരത്തെ പ്രഖ്യാപിച്ചിരുന്നു, മാർച്ച് 10 ന് ഉച്ചയ്ക്ക് 12 മുതൽ വൈകിട്ട് 4 വരെ റെയിൽവേ ട്രാക്കുകൾ ഉപരോധിക്കാൻ കർഷക സംഘടനകൾ ആഹ്വാനം ചെയ്തിട്ടുണ്ട്. സമരക്കാരായ കർഷകരും കേന്ദ്രവും ആവശ്യങ്ങൾ ഉന്നയിച്ച് ഇതുവരെ നാലു തവണയെങ്കിലും ചർച്ച നടത്തിയെങ്കിലും ഫലമുണ്ടായില്ല.
കർഷകർ ‘ദില്ലി ചലോ’ മാർച്ച് ആരംഭിച്ചിട്ട് ഇന്നേയ്ക്ക് 21 ദിവസമായി, മാർച്ച് ആഹ്വാനം ചെയ്പ്പോൾ തന്നെ അതിർത്തികളിൽ തടഞ്ഞുനിർത്തി ദേശീയ തലസ്ഥാനത്തേക്കുള്ള അവരുടെ പ്രവേശനം അധികാരികൾ ചെറുത്തു. ഫെബ്രുവരി 13 മുതൽ തറവില, കർഷകർക്കും കർഷകത്തൊഴിലാളികൾക്കും പെൻഷൻ, കാർഷിക കടം എഴുതിത്തള്ളൽ, വൈദ്യുതി നിരക്ക് വർധിപ്പിക്കരുത് തുടങ്ങി നിരവധി ആവശ്യങ്ങളുമാണ് കർഷകർ കേന്ദ്ര സർക്കാരിൻ്റെ മുൻപിൽ എത്തിയത്.
ഹരിയാന – പഞ്ചാബ് അതിർത്തിയിൽ കർഷകരെ തടയുകയും തുടർന്ന് അവർ അവിടെതന്നെ ക്യാമ്പ് ചെയ്യാനും ആരംഭിച്ചു. 2021 ലെ ലഖിംപൂർ ഖേരി അക്രമത്തിൻ്റെ ഇരകൾക്കുള്ള കേസുകളും നീതി, 2013 ലെ ഭൂമി ഏറ്റെടുക്കൽ നിയമം പുനഃസ്ഥാപിക്കൽ, 2020-21 ലെ മുൻ പ്രക്ഷോഭത്തിനിടെ മരിച്ച കർഷകരുടെ കുടുംബങ്ങൾക്ക് നഷ്ടപരിഹാരം എന്നീ ആവശ്യങ്ങളും കർഷകർ ഉയർത്തുകയാണ്. പഞ്ചാബ്-ഹരിയാന അതിർത്തിയിൽ തങ്ങളുടെ സാന്നിധ്യം ശക്തമാക്കുമെന്ന് കർഷക സംഘടനാ നേതാക്കളും പ്രഖ്യാപിച്ചിട്ടുണ്ട്. ഇരു അതിർത്തികളിലും പ്രതിഷേധക്കാരുടെ എണ്ണം ഗണ്യമായി കുറഞ്ഞെങ്കിലും നൂറുകണക്കിന് ട്രാക്ടർ ട്രോളികൾ ഇപ്പോഴും റോഡുകളിൽ പാർക്ക് ചെയ്യുന്നത് കാണാം. ചില പ്രതിഷേധക്കാർ അവരുടെ വീടുകളിലേക്ക് മടങ്ങുകയും പകരം അവരുടെ അയൽക്കാരെ നിയമിക്കുകയും ചെയ്യുന്നു.