നാല് വര്ഷം നീണ്ട ഇടവേളയ്ക്കു ശേഷം ഷാരൂഖ് ഖാന് നായകനാകുന്ന ‘പഠാൻ’ എന്ന ചിത്രത്തിലെ ചില ഭാഗങ്ങളില് ഗാനങ്ങളില് അടക്കം മാറ്റം വരുത്തി ചിത്രം വീണ്ടും സര്ട്ടിഫിക്കേഷന് സമര്പ്പിക്കാന് സിബിഎഫ്സി ചെയര്പേഴ്സണ് പ്രസൂണ് ജോഷി നിര്ദേശിച്ചു. സെന്ട്രല് ബോര്ഡ് ഓഫ് ഫിലിം സര്ട്ടിഫിക്കേഷന് (സിബിഎഫ്സി)യാണ് ചിത്രത്തിന്റെ നിര്മ്മാതാക്കള്ക്ക് നിര്ദേശം നല്കിയത്. സിനിമ അടുത്തിടെ സർട്ടിഫിക്കേഷനായി സിബിഎഫ്സി കമ്മിറ്റിക്ക് മുന്നില് എത്തിയത്. ബോർഡിന്റെ മാർഗ്ഗനിർദ്ദേശങ്ങൾ അനുസരിച്ച് കൃത്യമായതും സമഗ്രവുമായ പരിശോധനയ്ക്ക് ശേഷമാണ് മാറ്റങ്ങള് നിര്ദേശിച്ചത് എന്നാണ് റിപ്പോര്ട്ടുകള്
ജനുവരി 25ന് റിലീസ് ചെയ്യാന് ഇരിക്കുന്ന പഠാന് വലിയ പ്രീ റിലീസ് ഹൈപ്പ് ഉയര്ത്തിയ ചിത്രമായിരുന്നു
എന്നാൽ നാളുകൾക്ക് മുൻപ് ചിത്രത്തിലെ ബെഷ്റം രംഗ് എന്ന ആദ്യഗാനം റിലീസ് ചെയ്തതോടെ വിവാദങ്ങൾ പൊട്ടിപ്പുറപ്പെടുക ആയിരുന്നു. ഗാനരംഗത്ത് ദീപിക കാവി നിറത്തിലുള്ള ബിക്കിനി ധരിച്ചിരുന്നു. ഇതാണ് ഒരുവിഭാഗത്തെ ചൊടിപ്പിച്ചത്. പിന്നാലെ ചിത്രം പ്രദർശിപ്പിക്കരുതെന്നും ബഹിഷ്കരിക്കണമെന്നുമുള്ള ആഹ്വാനങ്ങൾ ഉയർന്നു. നായകനായ ഷാരൂഖ് ഖാന്റെ കോലം കത്തിച്ചും ശേഷക്രിയ ചെയ്തുമെല്ലാം പ്രതിഷേധങ്ങൾ നടന്നുവരികയായിരുന്നു. ഇതിനിടയിലാണ് ഇപ്പോൾ പാട്ടിൽ കാര്യമായ മാറ്റങ്ങൾ വരുത്തണമെന്ന് സെൻസർ ബോർഡും നിർദേശിച്ചിരിക്കുന്നത്……
വിവാദങ്ങള് പുരോഗമിക്കുമ്പോള് ചിത്രം ഉണ്ടാക്കുന്ന ഹൈപ്പില് ചിത്രത്തിന്റെ പോസ്റ്റ് റിലീസ് ബിസിനസ് നന്നായി നടക്കുന്നു എന്നാണ് റിപ്പോര്ട്ട്. പഠാന്റെ ഒടിടി അവകാശങ്ങൾ ഇതിനകം തന്നെ കോടികൾക്ക് വിറ്റുപോയതായാണ് പുതിയ റിപ്പോര്ട്ട്. ആമസോൺ പ്രൈം വീഡിയോ പഠാന്റെ ഒടിടി അവകാശം സ്വന്തമാക്കിയെന്നാണ് വിവരം. ജനുവരിയില് തീയറ്ററില് എത്തുന്ന പഠാന് മാർച്ച് അവസാനമോ ഏപ്രിൽ ആദ്യമോ ഒടിടി റിലീസ് ചെയ്യുമെന്നാണ് റിപ്പോർട്ടുകൾ പറയുന്നു.