വാഹനാപകടത്തില് നടന് ഷൈന് ടോം ചാക്കോയുടെ പിതാവ് ചാക്കോ മരിച്ചു. ഷൈൻ ടോം ചാക്കോയുടെ കുടുംബം സഞ്ചരിച്ചിരുന്ന കാർ അപകടത്തിൽ പെടുകയായിരുന്നു. കുടുംബസമേതം ബെംഗളൂരുവിലേക്കുള്ള യാത്രക്കിടെയായിരുന്നു അപകടം. തമിഴ്നാട്ടിലെ ധര്മപുരി ജില്ലയിലെ ഹൊഗനയ്ക്കല് വെച്ചാണ് അപകടമുണ്ടായത്. ലോറിയുമായി കൂട്ടിയിടിച്ച ആഘാതത്തിൽ കാറിൻ്റെ മുൻ ഭാഗം പൂർണ്ണമായും തകർന്നിട്ടുണ്ട്. അഞ്ച് പേരാണ് വാഹനത്തിലുണ്ടായിരുന്നത്. ഷൈനിന് കൈയിന് പരിക്കേറ്റതായാണ് വിവരം. അമ്മയ്ക്ക് ഇടുപ്പിനും പരിക്കേറ്റിട്ടുണ്ട്. ഇരുവരെയും പാറക്കോട് സർക്കാർ ആശുപത്രിയിൽ പ്രവേശിപ്പിച്ചു. തൃശൂർ സ്വദേശിയായ ഡ്രൈവറും സഹോദരനുമാണ് വാഹനത്തിലുണ്ടായിരുന്ന മറ്റുള്ളവർ.
ഷൈനിന്റെ അച്ഛന് തല്ക്ഷണം മരിച്ചു. കര്ണാടക രജിസ്ട്രേഷന് ഉള്ള ലോറിയുടെ പിന്നിലേക്ക് കാര് ഇടിക്കുകയായിരുന്നുവെന്നാണ് ഏറ്റവും പുതിയ വിവരം. അപകടസമയത്ത് ആരാണ് വാഹനം ഓടിച്ചിരുന്നുവെന്നത് അറിവായിട്ടില്ല.
തൃശൂരില് നിന്ന് ബെംഗളുരുവിലേക്ക് രാത്രി പത്തുമണിയോടെയാണ് ഇവര് യാത്ര തിരിച്ചത്. പുലര്ച്ചെ ആറുമണിയോടെയാണ് ധർമ്മപുരിക്കടുത്ത് വെച്ച് അപകടമുണ്ടായത്. അമ്മയ്ക്കും സഹോദരനും വാഹനമോടിച്ചിരുന്നയാൾക്കും ചെറിയ പരുക്കേറ്റിട്ടുണ്ട്. ഇവരെ ധര്മപുരിയിലെ ആശുപത്രിയില് പ്രവേശിപ്പിച്ചു.