ദക്ഷിണാഫ്രിക്കയിൽ നിന്നുള്ള 12 ചീറ്റകൾ കൂടി ഇന്ത്യയിൽ എത്തി. വ്യോമസേനയുടെ സി 17 വിമാനത്തിൽ ഇന്ന് രാവിലെ 10 മണിയോടെയാണ് ഗ്വാളിയാർ വിമാനത്താവളത്തിൽ ചീറ്റകളെ എത്തിച്ചത്. ഇന്ത്യയിൽ വംശനാശം സംഭവിച്ച ചീറ്റകളെ അവയുടെ ആവാസ വ്യവസ്ഥയിലേക്ക് പുനരധിവസിപ്പിക്കുക എന്ന ലക്ഷ്യത്തോടെയാണ് കഴിഞ്ഞവർഷം ചീറ്റകൾക്കായി പ്രോജക്ട് പദ്ധതി കേന്ദ്രസർക്കാർ ആരംഭിച്ചത്.
ഇന്ത്യൻ എയർഫോഴ്‌സിന്റെ പ്രത്യേക ഹെലികോപ്റ്ററുകളിലാവും 165 കിലോമീറ്റർ അകലെയുള്ള കുനോ ദേശീയോദ്യാനത്തിലേക്ക് ചീറ്റകളെ കൊണ്ട് വരിക. തുടർന്ന് അവയെ ക്വറന്റൈനിൽ പ്രവേശിപ്പിക്കും
കഴിഞ്ഞ സെപ്റ്റംബർ 17ന് നമീബയിൽ നിന്ന് എട്ട് ചീറ്റകളെ ഇന്ത്യയിൽ എത്തിച്ചിരുന്നു. ഇതിന് പിന്നാലെയാണ് ഇന്ന് 12 ചീറ്റകളെ കൂടി രാജ്യത്ത് എത്തിച്ചിരിക്കുന്നത്. ഇതോടെ മധ്യപ്രദേശിലെ കുനോയ് നാഷണൽ പാർക്കിൽ ചീറ്റകളുടെ എണ്ണം 20 ആകും
1952 ലാണ് ചീറ്റകൾ ഇന്ത്യയിൽ നിന്നും പൂർണ്ണമായും അപ്രത്യക്ഷമായത്. ആഗോളതലത്തിൽ ആദ്യമായി ചീറ്റ പോലുള്ള മൃഗങ്ങളുടെ ഭൂഖണ്ഡാനന്തര കൈമാറ്റം നടന്നത്. പ്രൊജക്റ്റ് ചീറ്റയുടെ ഭാഗമായി അഞ്ച് വർഷം കൊണ്ട് 50 ചീറ്റകളെ ഇന്ത്യയിൽ എത്തിക്കാനാണ് കേന്ദ്രസർക്കാർ തീരുമാനിച്ചിരിക്കുന്നത്. പ്രധാനമന്ത്രി നരേന്ദ്ര മോദിയുടെ 72ആം ജന്മദിനത്തില്‍ സെപ്തംബര്‍ 17 നാണ് നമീബിയയില്‍ നിന്ന് എട്ട് ചീറ്റകള്‍ അടങ്ങുന്ന ആദ്യ ബാച്ചിനെ കുനോ നാഷണല്‍ പാര്‍ക്കില്‍ എത്തിച്ചത്. പൂര്‍ണ്ണമായി കാട്ടിലേക്ക് വിടുന്നതിന് മുന്നോടിയായുളള വേട്ടയാടല്‍ വലയത്തിലാണ് നിലവില്‍ ഈ ചീറ്റകളുളളത്. കുറച്ച് മാസങ്ങൾക്കുള്ളിൽ 14 മുതൽ 16 ചീറ്റകളെ കൂടി ഇന്ത്യയിലേക്കെത്തിക്കുമെന്ന് കേന്ദ്ര സിവിൽ ഏവിയേഷൻ മന്ത്രി ജ്യോതിരാദിത്യ സിന്ധ്യ പറഞ്ഞിരുന്നു. വന്യ ജീവികളെ സംരക്ഷിക്കുന്നത് നമ്മുടെ സംസ്‌കാരത്തിന്റെ ഭാഗമാണെന്ന് അദ്ദേഹം അഭിപ്രായപ്പെട്ടു. ഇന്ത്യയില്‍ ചീറ്റപ്പുലികള്‍ക്ക് വംശനാശം സംഭവിച്ച് ഏകദേശം ഏഴ് പതിറ്റാണ്ടുകള്‍ക്ക് ശേഷമാണ് ചീറ്റകളെ വീണ്ടും രാജ്യത്തെത്തിച്ചത്.
നമീബിയയിൽ നിന്നു സെപ്റ്റംബർ 17ന് ഇന്ത്യയിലെത്തിച്ച 8 ചീറ്റകൾ കുനോ ദേശീയ ഉദ്യാനത്തിൽ ആരോഗ്യത്തോടെയിരിക്കുന്നുവെന്നു കേന്ദ്ര പരിസ്ഥിതി മന്ത്രി ഭൂപേന്ദർ യാദവ് വ്യക്തമാക്കി. വലിയ കൂടുകളിലാക്കി, ശാന്തരാക്കാൻ പ്രത്യേക ഉറക്കമരുന്ന് നൽകിയായിരുന്നു ചീറ്റകളുടെ യാത്ര.