മലപ്പുറത്ത് പേരയ്ക്ക മോഷ്ടിച്ചു എന്നാരോപിച്ച് 12 വയസ്സുകാരന് നേരെ ക്രൂരമർദ്ദനം. പെരിന്തൽമണ്ണ ആലിപ്പറമ്പ് പഞ്ചായത്തിൽ ഇന്നലെ വൈകിട്ടോടെയായിരുന്നു സംഭവം. സംഭവത്തില് മന്ത്രി വീണ ജോര്ജ് അന്വേഷണത്തിന് നിര്ദേശം നല്കി. ഇതുസംബന്ധിച്ച് അന്വേഷിച്ച് റിപ്പോര്ട്ട് നല്കാന് വനിത ശിശുവികസന വകുപ്പ് ഡയറക്ടര്ക്ക് നിര്ദേശം നല്കി. കുട്ടിയ്ക്ക് ആവശ്യമായ ചികിത്സയും നിയമപരമായ പരിരക്ഷയും ഉറപ്പ് നല്കാനും മന്ത്രി നിര്ദേശം നല്കി.
കളിക്കാൻ എത്തിയ കുട്ടികൾ പറമ്പിൽ നിന്നും പേരയ്ക്ക മോഷ്ടിച്ചു എന്ന് ആരോപിച്ചായിരുന്നു മർദ്ദനം. സ്ഥലം ഉടമ കുട്ടിയെ ബൈക്ക് കൊണ്ട് ഇടിച്ചുവീഴ്ത്തുകയായിരുന്നു. ശേഷം നിലത്തിട്ട് ചവിട്ടിയെന്നും ആശുപത്രിയിൽ ചികിത്സയിൽ കഴിയുന്ന കുട്ടി പറഞ്ഞു. മർദ്ദനത്തിൽ കുട്ടിയുടെ കാലിന്റെ എല്ല് പൊട്ടിയിട്ടുണ്ട്. കുട്ടിയുടെ ബന്ധുക്കൾ സ്ഥലം ഉടമയ്ക്കെതിരെ പെരിന്തൽമണ്ണ പോലീസിൽ പരാതി നൽകി.