ജമ്മുകശ്മീരിലെ ഗുല്‍മാര്‍ഗിലുണ്ടായ വന്‍ ഹിമപാതത്തില്‍ ഒരാള്‍ മരിച്ചു. മറ്റൊരാള്‍ക്ക് ഗുരുതരമായി പരിക്കേറ്റു. രണ്ട് പേര്‍ ഹിമപാതത്തില്‍ കുടുങ്ങിയിട്ടുണ്ടെന്നാണ് വിവരം. പ്രദേശത്ത് രക്ഷാപ്രവര്‍ത്തനം പുരോഗമിക്കുകയാണ്. ഗുല്‍മാര്‍ഗ് സ്‌കീയിംഗ് റിസോര്‍ട്ടിന്റെ മുകള്‍ ഭാഗത്താണ് ഹിമപാതം ഉണ്ടായത്.
ജമ്മു കശ്മീരിലെ വിവിധ പ്രദേശങ്ങളില്‍ ഹിമപാത മുന്നറിയിപ്പ് നല്‍കിയതായി അധികൃതര്‍ അറിയിച്ചു. കഴിഞ്ഞ വെള്ളിയാഴ്ച്ചയും ജമ്മു കശ്മീരിലെ കിഷ്ത്വാര്‍ ജില്ലയിലെ പദ്ദര്‍ പ്രദേശത്ത് ഹിമപാതമുണ്ടായിരുന്നു. എന്നാല്‍ അതില്‍ ആളപായമൊന്നും റിപ്പോര്‍ട്ട് ചെയ്തിരുന്നില്ല.