ഡൽഹിയിലെ ടിക്രി കലാൻ മേഖലയിലെ പിവിസി മാർക്കറ്റിൽ വൻ തീപിടിത്തം. പ്ലാസ്റ്റിക് ഗോഡൗണിൽ ആണ് തീപിടുത്തം ഉണ്ടായത്. 25 ഓളം അഗ്നിശമന സേനാ യൂണിറ്റുകൾ സ്ഥലത്തെത്തി തീയണച്ചു. തീ നിയന്ത്രണവിധേയമായെന്നും ശീതീകരണ പ്രവർത്തനങ്ങൾ നടന്നുവരികയാണെന്നും ഔദ്യോഗിക പ്രസ്താവനയിലൂടെ അധികൃതർ അറിയിച്ചു. പ്രാഥമിക റിപ്പോർട്ടുകൾ പ്രകാരം ഇതുവരെ ആളപായമൊന്നും റിപ്പോർട്ട് ചെയ്തിട്ടില്ല. തീപിടുത്തത്തിന് പിന്നിലെ കാരണം ഇതുവരെ കണ്ടെത്താനായിട്ടില്ല.
