യു.എ.ഇയിൽ എമിറേറ്റ്​സ്​ ഐ.ഡി, വിസ നിരക്കുകൾ വർദ്ധിപ്പിച്ചു

യുഎഇയിൽ വീസ, എമിറേറ്റ്സ് ഐഡി സേവനങ്ങൾക്ക് ചിലവേറും. എമിറേറ്റ്​സ്​ ഐ.ഡി, വിസ നിരക്കുകൾ
100 ദിർഹം വർദ്ധിപ്പിച്ചതായി ഫെഡറൽ അതോറിറ്റി ഫോർ ഐഡന്റിറ്റി ആൻഡ്‌ സിറ്റിസൺഷിപ്പാണ് യുഎഇയിലെ ടൈപ്പിങ് സെന്ററുകൾക്ക് നിർദ്ദേശം നല്കിയിരിക്കുന്നത്. എമിറേറ്റ്​സ്​ ഐ.ഡി, സന്ദർശക വിസ, റെസിഡന്‍റ്​ വിസ എന്നിക്കെല്ലാം നിരക്ക്​ വർധനവ്​ ബാധകമാണ്​. ഇതോടെ, 2 വർഷ കാലാവധിയുള്ള 270 ദിർഹമായിരുന്ന എമിറേറ്റ്​സ്​ ഐ.ഡി നിരക്ക്​ 370 ദിർഹമായി ഉയർന്നു. ഒരു മാസത്തെ സന്ദർശക വിസ നിരക്കും 270 ദിർഹമിൽ നിന്ന്​ 370 ദിർഹമായി.