ഡൽഹിയിൽ വോട്ടെടുപ്പ് കഴിഞ്ഞതിന് പിന്നാലെ പല ഏജൻസികളുടെയും എക്സിറ്റ് പോളുകളിൽ ബിജെപി മുൻതൂക്കം നേടുമെന്ന് പ്രവചിക്കപ്പെടുന്നു. ഇതിനെതിരെ ആം ആദ്മി പാർട്ടിയുടെ ദേശീയ കൺവീനർ അരവിന്ദ് കേജ്രിവാൾ രംഗത്തുവന്നു. ബിജെപിക്കെതിരെ വലിയ ആരോപണം ആണ് കെജ്‌രിവാൾ ഉന്നയിച്ചിരിക്കുന്നത്. സ്ഥാനാർത്ഥികൾക്ക് നിരന്തരം ഫോൺ കോളുകൾ ലഭിക്കുന്നുണ്ടെന്നും ആം ആദ്മി പാർട്ടി വിട്ട് ചേരുന്നവർക്ക് 15 കോടി രൂപ വാഗ്ദാനം നൽകിയെന്നും കേജ്രിവാൾ ആരോപിച്ചു.
ചില ഏജൻസികൾ കാണിക്കുന്നത് ബി.ജെ.പിക്ക് 55 ൽ കൂടുതൽ സീറ്റുകൾ ലഭിക്കുന്നുണ്ടെന്നാണ്. എന്നാൽ ഇത് വ്യാജമാണെന്നും എക്സിറ്റ് പോളുകളെക്കുറിച്ച് പ്രതികരിച്ചുകൊണ്ട് അരവിന്ദ് കേജ്രിവാൾ ഇൻസ്റ്റാഗ്രാമിൽ എഴുതി. “ചില സ്ഥാനാർത്ഥികളെ തകർക്കുന്നതിനുള്ള അന്തരീക്ഷം സൃഷ്ടിക്കുക എന്ന ഏക ഉദ്ദേശ്യത്തോടെയാണ് ഈ വ്യാജ സർവേകൾ നടത്തിയതെന്ന് വ്യക്തമാണ്. പക്ഷേ അധിക്ഷേപകരേ, ഞങ്ങളുടെ ഒരു സ്ഥാനാർത്ഥി പോലും വീണുപോകില്ല” എന്നും അദ്ദേഹം പറഞ്ഞു.
അതേസമയം രാജ്യതലസ്ഥാനം ആരുഭരിക്കും എന്ന് നാളെ അറിയാം. നാളെ രാവിലെ 8 മണിക്ക് വോട്ടെണ്ണൽ ആരംഭിക്കും. എക്സിറ്റ് പോൾ ഫലങ്ങൾ ഏറെയും ബിജെപിക്കാണ് മുൻതൂക്കം നൽകുന്നത്. എന്നാൽ ഭരണ തുടർച്ച ഉണ്ടാവുമെന്നാണ് ആം ആദ്മി പാർട്ടി അവകാശപ്പെടുന്നത്. ആം ആദ്മി പാർട്ടിയും ഭാരതീയ ജനതാ പാർട്ടിയും അവരവരുടെ സർക്കാരുകൾ രൂപീകരിക്കാൻ അവകാശവാദം ഉന്നയിക്കുന്നുണ്ട്. ടുഡേയ്‌സ് ചാണക്യ സർവേ പ്രകാരം ബിജെപിക്ക് 51 സീറ്റുകൾ ലഭിക്കുമെന്നും എഎപിക്ക് 19 സീറ്റുകൾ ലഭിക്കുമെന്നും പ്രവചിച്ചു. 27 വർഷത്തിന് ശേഷം ഡൽഹിയിൽ ബിജെപിക്ക് അധികാരം പിടിക്കാൻ കഴിയുമെന്ന് സർവേ പറയുന്നു. എന്നിരുന്നാലും, ടുഡേയ്‌സ് ചാണക്യ 6 സീറ്റുകളുടെ വ്യത്യാസത്തിൽ നിലനിർത്തി, അതായത് ബിജെപിയുടെയും ആം ആദ്മി പാർട്ടിയുടെയും സീറ്റുകൾ 6 സീറ്റുകൾ കൂടുകയോ കുറയുകയോ ചെയ്യാം.