ഓസ്ട്രേലിയക്കെതിരായ ബോക്സിംഗ് ഡേ ടെസ്റ്റില് ഇന്ത്യക്ക് തോല്വി. ബോർഡർ-ഗവാസ്കർ ട്രോഫിയുടെ ചരിത്രത്തിലെ ഏറ്റവും ആവേശകരമായ ടെസ്റ്റ് മത്സരങ്ങളിലൊന്നായ മെൽബൺ ക്രിക്കറ്റ് ഗ്രൗണ്ടിൽ ഇന്ത്യയ്ക്ക് തോൽവി. അഞ്ച് ദിവസത്തെ മത്സരം ഓസ്ട്രേലിയയുടെ വിജയത്തിൽ അവസാനിച്ചു. മെല്ബണില് നടന്ന മത്സരത്തില് 184 റണ്സിനായിരുന്നു ഇന്ത്യയുടെ തോല്വി. 340 റണ്സ് വിജയലക്ഷ്യവുമായി ബാറ്റിംഗിനെത്തിയ ഇന്ത്യ 155ന് എല്ലാവരും പുറത്താവുകയായിരുന്നു. 84 റണ്സ് നേടിയ യശസ്വി ജയ്സ്വാളാണ് ഇന്ത്യയുടെ ടോപ് സ്കോറര്. ഒരു ടെസ്റ്റ് മത്സരം നേടാൻ ഒരു ദിവസം മുഴുവൻ ബാറ്റ് ചെയ്ത സിഡ്നിയിലെ 2021 ലെ വീരഗാഥകൾ ആവർത്തിക്കാൻ ഇന്ത്യക്ക് കഴിഞ്ഞില്ല. 330 റൺസ് വിജയലക്ഷ്യം വെച്ചതിന് ശേഷം, രോഹിത് ശർമ്മയും വിരാട് കോഹ്ലിയും ഉൾപ്പെടെയുള്ളവർ പുറത്തായതും തിരിച്ചടിയായി.
മെല്ബണില് മോശം തുടക്കമായിരുന്നു ഇന്ത്യക്ക്. 33 റണ്സിനെ മുന് താരങ്ങളെ ഇന്ത്യക്ക് നഷ്ടമായി. രോഹിത് ശര്മ (9), കെ എല് രാഹുല് (0), വിരാട് കോലി (5) എന്നിവരുടെ വിക്കറ്റുകളാണ് ഇന്ത്യക്ക് തുടക്കത്തില് നഷ്ടമായത്. 40-ാം പന്തിൽ രോഹിത്താണ് ആദ്യം മടങ്ങിയത്. ഒമ്പത് റണ്സെടുത്ത താരത്തെ ഓസീസ് ക്യാപ്റ്റന് തേര്ഡ് സ്ലിപ്പില് മിച്ചല് മാര്ഷിന്റെ കൈകളിലെത്തിച്ചു. അതേ ഓവറിലെ അവസാന പന്തില് കെ എല് രാഹുലും (0) മടങ്ങി. കോലിക്ക് അഞ്ച് റണ്സെടുക്കാനാണ് സാധിച്ചത്. 29 പന്തുകള് നേരിട്ട താരത്തെ മിച്ചല് സ്റ്റാര്ക്ക് ഫസ്റ്റ് സ്ലിപ്പില് ഖവാജയുടെ കൈകളിലേക്കയച്ചു.
രണ്ടാം സെഷനില് വിക്കറ്റൊന്നും ഇന്ത്യക്ക് നഷ്ടമായിരുന്നില്ല. പന്ത്-ജയ്സ്വാള് സഖ്യം 88 റണ്സ് ചേര്ക്കുകയും ചെയ്തു. എന്നാല് ചായയ്ക്ക് ശേഷം ഇന്ത്യ കൂട്ടതകര്ച്ച നേരിട്ടു. പന്തിന്റെ (30) വിക്കറ്റാണ് ഇന്ത്യക്ക് ആദ്യം നഷ്ടമാകുന്നത്. ക്രീസ് വിട്ടിറങ്ങി കളിച്ച പന്ത്. മിച്ചല് മാര്ഷിന് ക്യാച്ച് നല്കി. തുടര്ന്നെത്തിയ രവീന്ദ്ര ജഡേജയ്ക്ക് 14 പന്ത് മാത്രമായിരുന്നു ആയുസ്. ബോളണ്ടിന്റെ പന്തില് വിക്കറ്റ് കീപ്പര് അലക്സ് ക്യാരിക്ക് ക്യാച്ച്. ആദ്യ പന്തിലെ സെഞ്ചുറിക്കാരന് നിതീഷ് റെഡ്ഡി ഒരു റണ്ണുമായി മടങ്ങി. ലിയോണിന്റെ പന്തില് സ്ലിപ്പില് സ്റ്റീവന് സ്മിത്തിന് ക്യാച്ച് നല്കുകയായിരുന്നു. ജയ്സ്വാള് കമ്മിന്സിന്റെ പന്തില് ക്യാരിക്ക് ക്യാച്ച് നല്കി. എട്ട് ബൗണ്ടറികള് ഉള്പ്പെടുന്നതായിരുന്നു ജയ്സ്വാളിന്റെ ഇന്നിംഗ്സ്. ആകാശ് ദീപ് (7), ജസ്പ്രിത് ബുമ്ര (0), മുഹമ്മദ് സിറാജ് (0) എന്നിവര് പിടിച്ചുനില്ക്കാന് പോലുമായില്ല. വാഷിംഗ്ടണ് സുന്ദര് (5) പുറത്താവാതെ നിന്നു. 34 റണ്സിനിടെയാണ് ഇന്ത്യക്ക് ഏഴ് വിക്കറ്റുകള് നഷ്ടമാകുന്നത്.
നേരത്തെ, ഓസീസിന്റെ ഒന്നാം ഇന്നിംഗ്സ് സ്കോറായ 474നെതിരെ ഇന്ത്യയുടെ മറുപടി ബാറ്റിംഗ് 369ന് അവസാനിച്ചിരുന്നു. സെഞ്ചുറി നേടിയ നിതീഷ് കുമാര് റെഡ്ഡിയുടെ (114) വിക്കറ്റാണ് ഇന്ത്യക്ക് നാലാം ദിനം നഷ്ടമായത്. ഒമ്പതിന് 358 എന്ന നിലയിലാണ് ഇന്ത്യ നാലാം ദിനം ക്രീസിലെത്തിയത്. നിതീഷിന് അധികനേരം ക്രീസില് തുടരാനായില്ല. വ്യക്തിഗത സ്കോറിനോട് ഒമ്പത് റണ്സ് കൂടി കൂട്ടിചേര്ത്ത് നിതീഷ് മടങ്ങി. മുഹമ്മദ് സിറാജ് (4) പുറത്താവാതെ നിന്നു.