റഷ്യയുടെ പരമോന്നത സിവിലിയൻ ബഹുമതിയായ ‘ഓർഡർ ഓഫ് സെന്റ് ആൻഡ്രൂ ദി അപ്പോസ്തൽ’ ഏറ്റുവാങ്ങി പ്രധാനമന്ത്രി നരേന്ദ്ര മോദി. റഷ്യൻ പ്രസിഡന്റ് വ്‌ളാഡിമിർ പുടിൻ ആണ് ‘ഓർഡർ ഓഫ് സെന്റർ ആൻഡ്രൂ ദി അപ്പോസ്തൽ’ നൽകി നരേന്ദ്രമോദിയെ ആദരിച്ചത്.
140 കോടി ഇന്ത്യക്കാർക്ക് ഇത് സമ്മാനമാണെന്നും ഇരുരാജ്യങ്ങളും തമ്മിലുള്ള നൂറ്റാണ്ടുകൾ പഴക്കമുള്ള സൗഹൃദത്തിന്റെ പ്രതിഫലനമാണെന്നും ബഹുമതി സ്വീകരിച്ച ശേഷം പ്രധാനമന്ത്രി മോദി പുടിനും റഷ്യയ്ക്കും നന്ദി പറഞ്ഞു.
‘പ്രസിഡന്റ് പുടിന്റെ നേതൃത്വത്തിൽ കഴിഞ്ഞ 25 വർഷമായി ഇന്ത്യ-റഷ്യ ബന്ധം ശക്തിപ്പെട്ടു. ഇന്ത്യയിലെയും റഷ്യയിലെയും ജനങ്ങൾക്ക് മെച്ചപ്പെട്ട ഭാവിക്കായി ജനങ്ങൾ തമ്മിലുള്ള പങ്കാളിത്തത്തെ കൂടുതൽ പ്രോത്സാഹിപ്പിക്കുകയും പിന്തുണയ്ക്കുകയും വേണം. ഇന്ത്യ-റഷ്യ പങ്കാളിത്തം നിർണായകമാണ്. സമാധാനത്തിനും സ്ഥിരതയ്ക്കും വേണ്ടി യോജിച്ച ശ്രമങ്ങൾ തുടരണമെന്ന് വിശ്വസിക്കുന്നു’ പ്രധാനമന്ത്രി മോദി പറഞ്ഞു.
യേശുവിന്റെ ആദ്യ അപ്പോസ്തലനും റഷ്യയുടെ രക്ഷാധികാരിയുമായ വിശുദ്ധ ആൻഡ്രൂവിന്റെ ബഹുമാനാർത്ഥം 1698-ൽ സാർ പീറ്റർ ദി ഗ്രേറ്റ് ആണ് ഓർഡർ ഓഫ് സെൻ്റ് ആൻഡ്രൂ ദി അപ്പോസ്തൽ സ്ഥാപിച്ചത്. ഏറ്റവും മികച്ച സിവിലിയൻ അല്ലെങ്കിൽ മിലിട്ടറി മെറിറ്റിന് മാത്രമാണ് ഈ ബഹുമതി നൽകുക. ഓർഡർ ഓഫ് സെന്റ് ആൻഡ്രൂ ഗ്രാൻഡ് ഹാളിലാണ് ചടങ്ങുകൾ നടന്നത്.