ചൊവ്വാഴ്ച നടന്ന ഒളിമ്പിക്സിൽ ഗുസ്തി ഫൈനലിൽ ഇടം നേടി ഇന്ത്യയുടെ വിനേഷ് ഫോഗട്ട്. ഒളിമ്പിക്സ് ഗുസ്തിയിൽ ഫാനലിലെത്തുന്ന ആദ്യ ഇന്ത്യൻ വനിത എന്ന നേട്ടവും ഇനി വിനേഷ് ഫോഗട്ടിന് സ്വന്തം. വൈകുന്നേരം നടന്ന സെമി ഫൈനൽ മത്സരത്തിൽ ക്യൂബയുടെ ലോപ്പസ് ഗുസ്മാനെ തോൽപ്പിച്ച് വിനേഷ് പാരീസിൽ മെഡൽ ഉറപ്പിച്ചു. ഫൈനലിൽ അമേരിക്കയുടെ ആൻ സാറ ഹിൽഡെബ്രാൻ്റാണ് വിനേഷിൻ്റെ എതിരാളി
നിലവിലെ ഒളിമ്പിക്സ് വിജയിയായ ജാപ്പാന്റെ യുവി സുസാക്കിയെ മലർത്തിയടിച്ച അതേ പോരാട്ട വീര്യത്തോടെയാണ് ക്യൂബൻ എതിരാളിക്കെതിരെയും വിനേഷ് മത്സരിച്ചത്. മത്സരത്തിന്റെ തുടക്കത്തിൽ തന്നെ ഗുസ്മാന്റെ കാലിൽ അവർക്ക് പിടി കിട്ടി, ഇത് ആദ്യ മിനിറ്റുകളിൽ ക്യൂബയെ സമ്മർദ്ദത്തിലാക്കി. സമ്മർദം ചെലുത്തിയെങ്കിലും മത്സരത്തിന്റെ ആദ്യ 2 മിനിറ്റിൽ പോയിന്റുകളൊന്നും നേടാൻ വിനേഷിനായില്ല. വളരെ കരുതലോടെ നിന്ന ഗുസ്മാന് ആദ്യ റൗണ്ടിൽ 2 മിനിറ്റിനുള്ളിൽ ഒരു പോയിന്റ് നഷ്ടപ്പെട്ട് നിഷ്ക്രിയത്വത്തിന് പെനാൽറ്റിയും ലഭിച്ചു. വിനെഷ്, ഗുസ്മാന്റെ വലത് കാൽ പിടിച്ച് ആധിപത്യം സ്ഥാപിച്ച് 5-0 എന്ന ലീഡ് നേടി.
ചൊവ്വാഴ്ച പാരീസ് ഒളിമ്പിക്സിലെ ഏറ്റവും വലിയ അട്ടിമറി നിലവിലെ ചാമ്പ്യയായ ജപ്പാൻ്റെ യുവി സുസാക്കിയെ വിനേഷ് ഫോഗട്ട് തോൽപ്പിച്ചതായിരുന്നു. വനിതകളുടെ 50 കിലോഗ്രാം വിഭാഗത്തിൻ്റെ ക്വാർട്ടർ ഫൈനലിൻ്റെ 16 ആം റൗണ്ടിലാണ് ഇന്ത്യൻ താരം 3-2 നാണ് യുവിയെ തോൽപിച്ചത്. ടോക്കിയോ ഒളിമ്പിക്സ് സ്വർണത്തിലേക്കുള്ള വഴിയിൽ ഒരു പോയിൻ്റ് പോലും വഴങ്ങാതിരുന്ന യുവി സുസാക്കിയെയാണ് വിനേഷ് ഫോഗട്ട് പരാജയപ്പെടുത്തിയത്. ഇന്നുവരെ യുവി തൻ്റെ കരിയറിൽ മൂന്ന് മത്സരങ്ങൾ മാത്രമേ തോറ്റിട്ടുള്ളൂ. ഈ തോൽവിയോടെ അത് നാലായി ഉയർന്നു. അന്താരാഷ്ട്ര തലത്തിൽ യുവി തോൽവി ഏറ്റുവാങ്ങിയ ആദ്യ ഗുസ്തി താരമായി വിനേഷ് ഫോഗട്ട് മാറി.