യുക്രൈനിലും റഷ്യയിലും തുടരുന്ന യുദ്ധം അവസാനിപ്പിക്കാന്‍ വേണ്ടിയുള്ള ചര്‍ച്ചകള്‍ തുടങ്ങാന്‍ റഷ്യന്‍ പ്രസിഡന്റ് വ്‌ളാദിമിര്‍ പുടിന്‍ സമ്മതിച്ചതായി ട്രംപ് അറിയിച്ചു. സമാധാനം പുന:സ്ഥാപിക്കാന്‍ ട്രംപുമായി സംസാരിച്ചെന്ന് യുക്രെയ്ന്‍ പ്രസിഡന്റ് വ്‌ളോഡിമിര്‍ സെലന്‍സ്‌കിയും വ്യക്തമാക്കി. യുഎസ് വൈസ് പ്രസിഡന്റ് ജെ ഡി വാന്‍സുമായി കൂടിക്കാഴ്ച നടത്തുമെന്നുമെന്നും സെലന്‍സ്‌കി പറഞ്ഞു. നാശനഷ്ടങ്ങളും മാത്രമുണ്ടാക്കിയ അര്‍ത്ഥശൂന്യമായ യുദ്ധം അവസാനിപ്പിക്കാന്‍ സമയമായെന്ന് ട്രംപ് ട്രൂത്ത് സോഷ്യലില്‍ കുറിച്ചു. റഷ്യയിലേയും യുക്രൈനിലേയും ജനങ്ങളെ ദൈവം രക്ഷിക്കട്ടേയെന്നും ട്രംപ് എഴുതി. പുടിനുമായി ടെലഫോണ്‍ സംഭാഷണം നടത്തിയതായി ട്രംപ് ട്രൂത്ത് സോഷ്യലില്‍ പറഞ്ഞു.
പുടിനുമായുള്ള ചര്‍ച്ച എന്നായിരിക്കുമെന്ന് കൃത്യമായി സൂചിപ്പിച്ചിട്ടില്ലെങ്കിലും പുടിനെ കാണുന്നത് സൗദി അറേബ്യയില്‍ വച്ചായിരിക്കുമെന്ന് ട്രംപ് മാധ്യമങ്ങളോട് പറഞ്ഞിട്ടുണ്ട്. കൂടിക്കാഴ്ചയ്ക്കും ചര്‍ച്ചകള്‍ക്കും സമയമായെന്ന് പുടിനും സമ്മതിച്ചതായി ക്രെംലിന്‍ വക്താവ് ദിമിത്രി പെസ്‌കോവ് സ്ഥിരീകരിച്ചു.
അതിര്‍ത്തിയിലെ വലിയ അളവോളം ഭൂമി യുക്രൈന് തന്നെ തിരികെ കിട്ടുമെന്നും യുക്രൈന് സൈനിക സഖ്യത്തില്‍ ചേരില്ലെന്ന തീരുമാനത്തില്‍ മാറ്റമില്ലെന്നും നാറ്റോ ഉച്ചകോടിയില്‍ തന്റെ പ്രതിരോധ സെക്രട്ടറി പീറ്റ് ഹെഗ്‌സെ അറിയിച്ചത് തന്നെയാണ് തന്റെ നിലപാടെന്നും ട്രംപ് കൂട്ടിച്ചേര്‍ത്തു.