ഡൽഹി വാർഷിക ബജറ്റ് 2023-24 ആഭ്യന്തര മന്ത്രാലയം അംഗീകരിച്ചു. അടിസ്ഥാന സൗകര്യവികസനത്തേക്കാള് പരസ്യങ്ങള്ക്കുള്ള ചെലവ് ഉയർന്നതോടെ വിശദീകരണം ആവശ്യപ്പെട്ട് ഒരു ദിവസത്തിന് ശേഷമാണ് ബജറ്റിന് കേന്ദ്ര ആഭ്യന്തര മന്ത്രാലയം അംഗീകാരം നൽകിയത്.
ബജറ്റ് അവതരണം പൂര്ത്തിയാക്കുന്നതിന് മുൻപായിരുന്നു ആഭ്യന്തര മന്ത്രാലയത്തിന്റെ ഇടപെടൽ. രാജ്യത്തിന്റെ 75 വര്ഷത്തെ ചരിത്രത്തില് ആദ്യമായാണ് ബജറ്റ് നിര്ത്തലാക്കിയത്. മാർച്ച് 21 ആണ് ബജറ്റ് അവതരിപ്പിന്ന തീയതി.
അതിനിടെ ഡല്ഹി ബജറ്റ് നിയമസഭയില് അവതരിപ്പിക്കാന് അനുമതി തേടി മുഖ്യമന്ത്രിയും ആം ആദ്മി പാര്ട്ടി (എഎപി) തലവനുമായ അരവിന്ദ് കെജ്രിവാള് പ്രധാനമന്ത്രി നരേന്ദ്ര മോദിക്ക് കത്തയച്ചിരുന്നു. കേന്ദ്ര ആഭ്യന്തരമന്ത്രാലയം ഇടപെട്ട് ബജറ്റ് അവതരണം തടഞ്ഞെന്നും ചരിത്രത്തില് ആദ്യമായാണ് ബജറ്റ് അവതരണം തടയുന്നതെന്നും കെജ്രിവാള് ആരോപിച്ചു.