രാജ്യത്തെ പാചകവാതക വില വാണിജ്യ സിലിണ്ടറിന് 171 രൂപ കുറച്ചു. ഗാർഹിക സിലിണ്ടർ വിലയിൽ മാറ്റമില്ല. വിലകുറച്ചതോടെ സംസ്ഥാനത്ത് പാചക വാതക വില രണ്ടായിരം രൂപയിൽ താഴെയെത്തി. ഈ വർഷം ഇത് മൂന്നാം തവണയാണ് വാണിജ്യ സിലിൻഡർ വിലയിൽ മാറ്റം വരുന്നത്.
ചില്ലറ വിപണിയിൽ 19 കിലോ വരുന്ന എൽപിജി സിലിണ്ടറിന് ഡൽഹിയിലെ വില 1856.50 രൂപയായി.
മുംബൈയിൽ 19 കിലോഗ്രാം വാണിജ്യ സിലിണ്ടറിന് 1,808.50 രൂപയും കൊൽക്കത്തയിൽ വില 1,960.50 രൂപയുമായി കുറഞ്ഞു. ഇന്ന് മുതൽ ചെന്നൈയിൽ 19 കിലോഗ്രാം എൽപിജി സിലിണ്ടറിന് 2021.50 രൂപയ്ക്കാണ് വിൽപന.
ജനുവരി ഒന്നിന് ഗാർഹിക സിലിൻഡർ വില 25 രൂപ ഉയർത്തിയിരുന്നു. പിന്നാലെ മാർച്ച് ഒന്നിനും വാണിജ്യ സിലിൻഡർ വില 350 രൂപ കൂട്ടിയിരുന്നു. ഇതിന് പിന്നാലെയാണ് ഇപ്പോൾ ഏപ്രിൽ ഒന്നിനും വീണ്ടും വിലക്കൂട്ടിയിരിക്കുന്നത്.