ട്വന്റി 20 ലോകകപ്പിലെ സൂപ്പർ-12 മത്സരങ്ങളിലെ ആദ്യമത്സരത്തിൽ ആതിഥേയരായ ഓസ്ട്രേലിയ ഇന്ത്യൻ സമയം ഉച്ചയ്ക്ക് പന്ത്രണ്ടരയ്ക്ക് ന്യൂസിലൻഡിനെ നേരിടും. സിഡ്നി ക്രിക്കറ്റ് ഗ്രൗണ്ടിലാണ് മത്സരം. ഇംഗ്ലണ്ടിനെതിരെ പരമ്പര തോറ്റ ഓസ്ട്രേലിയ സന്നാഹമത്സരത്തിൽ ഇന്ത്യയോടും തോറ്റാണ്ലോകകപ്പിനൊരുങ്ങുന്നത്. ഓസ്ട്രേലിയ പരിക്കേറ്റ വിക്കറ്റ് കീപ്പർ ജോഷ് ഇൻഗ്ലിസിന് പകരം ഓൾറൗണ്ടർ കാമറൂൺ ഗ്രീനിനെ ടീമിൽ ഉൾപ്പെടുത്തിയിട്ടുണ്ട്.
ഓസീസ് സ്ക്വാഡ്: ആഷ്ടണ് അഗര്, പാറ്റ് കമ്മിന്സ്, ടിം ഡേവിഡ്, ആരോണ് ഫിഞ്ച്(ക്യാപ്റ്റന്), ജോഷ് ഹേസല്വുഡ്, കാമറൂണ് ഗ്രീന്, മിച്ചല് മാര്ഷ്, ഗ്ലെന് മാക്സ്വെല്, കെയ്ല് റിച്ചാര്ഡ്സണ്, സ്റ്റീവ് സ്മിത്ത്, മിച്ചല് സ്റ്റാര്ക്ക്, മാര്ക്കസ് സ്റ്റോയിനിസ്, മാത്യൂ വെയ്ഡ്(വിക്കറ്റ് കീപ്പര്), ഡേവിഡ് വാര്ണര്.
ന്യൂസിലന്ഡ് സ്ക്വാഡ്: കെയ്ന് വില്യംസണ്(ക്യാപ്റ്റന്), ടിം സൗത്തി, ഇഷ് സോഥി, മിച്ചല് സാന്റ്നര്, ഗ്ലെന് ഫിലിപ്സ്, ജിമ്മി നീഷാം, ഡാരില് മിച്ചല്, ആദം മില്നെ, മാര്ട്ടിന് ഗുപ്റ്റില്, ലോക്കീ ഫെര്ഗൂസന്, ദേവോണ് കോണ്വേ, മാര്ക് ചാപ്മാന്, മൈക്കല് ബ്രേസ്വെല്, ട്രെന്റ് ബോള്ട്ട്, ഫിന് അലന്.
ന്യൂസിലൻഡ്- ഓസ്ട്രേലിയ മത്സരത്തിനും മഴഭീഷണിയുണ്ട്. ഇന്നത്തെ രണ്ടാംമത്സരത്തിൽ അഫ്ഗാനിസ്ഥാനെ ഇംഗ്ലണ്ട് നേരിടും. പെർത്തിൽ വൈകീട്ട് നാലരയ്ക്കാണ് കളി തുടങ്ങുക.