ബംഗാള് ഗവര്ണര് സി വി ആനന്ദ ബോസിനെതിരെയായ ലൈംഗിക അതിക്രമ പരാതിയിൽ ഗുരുതര ആരോപണവുമായി പരാതിക്കാരി. രാജ്ഭവനിലെ മൂന്ന് ജീവനക്കാർ കൈയേറ്റം ചെയ്തുവെന്നാണ് പരാതി. ഗവർണറുടെ ഒഎസ് സി, പ്യൂൺ, പാൻട്രി ജീവക്കാരൻ എന്നിവർക്കെതിരെയാണ് പരാതി. ഗവർണർക്കെതിരെ പരാതി കൊടുക്കരുതെന്ന് ഇവർ ഭീഷണിപ്പെടുത്തിയതായി യുവതി ആരോപിക്കുന്നു. രാജ്ഭവനിലെ മുറിയിൽ അടച്ചിട്ടെന്നും ഫോൺ തട്ടിപ്പറിച്ചെന്നും പരാതിയിലുണ്ട്. പരാതി നൽകരുത് എന്നാവശ്യപ്പെട്ടെവെന്നും ആരോപണം. അന്വേഷണവുമായി സഹകരിക്കാതിരിക്കാന് ജീവനക്കാരെ രാജ്ഭവന് ഭീഷണിപ്പെടുത്തുന്നതായി ആരോപിച്ചു. എന്തിനാണ് അന്വേഷണത്തെ ഗവര്ണര് ഭയപ്പെടുന്നതെന്ന് പരാതിക്കാരി ചോദിച്ചു.
രാജ്ഭവന് ജീവനക്കാരി നല്കിയ ലൈംഗീക പീഡന പരാതിയിലാണ് ബംഗാള് ഗവര്ണര്ക്കെതിരെ കേസെടുത്തത്. കേസിന്റെ അന്വേഷണത്തിനായി സിസി ടിവി ദൃശ്യങ്ങള് കൈമാറാനും ചോദ്യം ചെയ്യലിന് ഹാജരാകാനും രാജ്ഭവന് അധികൃതരോട് അന്വേഷണ ഉദ്യോഗസ്ഥര് ആവശ്യപ്പെട്ടിരുന്നു. എന്നാല്, ഇപ്പോള് അന്വേഷണവുമായി സഹകരിക്കാതിരിക്കാന് ജീവനക്കാരെ രാജ്ഭവന് ഭീഷണിപ്പെടുത്തുന്നതായാണ് പരാതിക്കാരി ആരോപിക്കുന്നത്.