മഹാരാഷ്ട്ര ഗവർണർ ഭഗത് സിംഗ് കോഷിയാരി രാജിവച്ചു. ഛത്രപതി ശിവാജി മഹാരാജിനെ കുറിച്ചുള്ള പരാമർശം വിവാദമായതിനെ തുടർന്നാണ് കോഷിയാരി രാജിവെച്ചത്. രാഷ്ട്രപതി ദ്രൗപതി മുർമ്മു രാജി സീകരിച്ചു. കോഷിയാരിയുടെ രാജിയെത്തുടർന്ന് പുതിയ ഗവർണറായി രമേഷ് ബൈസിനെ നിയമിച്ചു.
അതേസമയം ബീഹാർ, ആസാം, ഹിമാചൽ പ്രദേശ്, ജാർഖണ്ഡ്, ഛത്തീസ്ഗഡ് എന്നിവിടങ്ങളിൽ ഉൾപ്പെടെ നിരവധി സംസ്ഥാനങ്ങളിൽ പ്രസിഡന്റ് സ്ഥാനത്തേക്ക് രാഷ്ട്രപതി ദ്രൗപതി മുർമ്മു പുതിയ നിയമനങ്ങൾ നടത്തി.
ബീഹാർ ഗവർണർ ഫാഗു ചൗഹാനെ മേഘാലയ ഗവർണറായി നിയമിച്ചു. അരുണാചൽ പ്രദേശ് ഗവർണർ ബി ഡി മിശ്രയെ ലഡാക്കിന്റെ ലെഫ്റ്റനന്റ് ഗവർണറായി നിയമിച്ചു. മുൻ ധനകാര്യ സഹമന്ത്രി ശിവ് പ്രതാപ് ശുക്ലയെ ഹിമാചൽ പ്രദേശ് ഗവർണർ ആക്കി. രാജസ്ഥാനിലെ ഗുലാബ് ചന്ദ് കട്ടാരിയെ അസമിന്റെ ഗവർണറായി നിയമിച്ചു. മുൻ ജസ്റ്റിസ് എസ് അബ്ദുൾ നസീറിനെ ആന്ധ്രപ്രദേശ് ഗവർണറായി നിയമിച്ചു.
ഹിമാചൽ ഗവർണറായ രാജേന്ദ്രവിശ്വനാഥ് അർലേക്കറെ ബീഹാർ ഗവർണറായി നിയമിച്ചു. ലെഫ്റ്റനന്റ് ജനറൽ കൈവല്യ ത്രിവിക്രം പർനായിക്കിനെ അരുണാചൽ പ്രദേശ് ഗവർണർ ആക്കി. ലക്ഷ്മൺ പ്രസാദ് ആചാര്യയെ സിക്കിം ഗവർണറായും നിയമിച്ചു. സി പി രാധാകൃഷ്ണനെ ജാർഖണ്ഡ് ഗവർണറായും, ബിശ്വഭൂഷൺ ഹരിചന്ദിനെ ഛത്തീസ്ഗഡ് ഗവർണറായും നിയമിച്ചു.