കണ്ണൂര് സര്വകലാശാലയിലെ അസോസിയേറ്റ് പ്രൊഫസര് നിയമനത്തില് പ്രിയ വര്ഗീസിന് അനുകൂലമായ കേരള ഹൈക്കോടതി വിധിക്കെതിരെ യുജിസി സുപ്രീം കോടതിയിലേക്ക്. ഹൈക്കോടതി വിധി അടിയന്തരമായി സ്റ്റേ ചെയ്യണമെന്നും യുജിസി ആവശ്യപ്പെട്ടേക്കും. പ്രിയവര്ഗീസിന് അനുകൂലമായ കേരള ഹൈക്കോടതി വിധിക്കെതിരെ അപ്പീല് നല്കണമെന്ന നിയമോപദേശമാണ് യുജിസിക്ക് ലഭിച്ചത്. യുജിസി വ്യവസ്ഥകള് പ്രകാരം അസോസിയേറ്റ് പ്രൊഫസര് നിയമനത്തിന് ഏറ്റവും കുറഞ്ഞത് എട്ടുവര്ഷത്തെഅധ്യാപന പരിചയം വേണം എന്നതാണ്. എന്നാല് കോളജിന് പുറത്തു നടത്തിയ പ്രവര്ത്തനങ്ങളെ അധ്യാപന പരിചയമായി കണക്കാക്കുകയാണ് കേരള ഹൈക്കോടതി ചെയ്തത്. ഇത് യുജിസി ചട്ടങ്ങളുടെ ലംഘനമാണെന്നും നിയമോപദേശത്തില് പറയുന്നു.
കേരള ഹൈക്കോടതി വിധി നിലവില് വരുന്നതോടുകൂടി 2018ലെ യുജിസി ചട്ടങ്ങളിലെ മൂന്ന്, ഒന്ന് വകുപ്പ് പ്രകാരം അസോസിയേറ്റ് പ്രൊഫസറുടെ നിയമനവുമായിബന്ധപ്പെട്ട വ്യവസ്ഥകള് അസാധുവാകുമെന്നാണ് നിയമോപദേശത്തില് ചൂണ്ടിക്കാട്ടുന്നത്. കേരള ഹൈക്കോടതി ഉത്തരവ് ചൂണ്ടിക്കാണിച്ച് മറ്റ് പലരും ഭാവിയില് ഈ രീതിയില് അസോസിയേറ്റ് പ്രൊഫസറാകാന് ശ്രമിക്കുന്ന സ്ഥിതിയുണ്ടാകുമെന്നും യുജിസി കണക്കുകൂട്ടുന്നു. ഈ സാഹചര്യത്തിലാണ് വിധിക്കെതിരെ അപ്പീല് നല്കാന് യുജിസി തീരുമാനമെടുത്തത്.