2025 ലെ പത്മ അവാർഡുകൾ പ്രഖ്യാപിച്ചു. വിവിധ പത്മ അവാർഡുകൾ അഞ്ച് മലയാളികൾ കരസ്ഥമാക്കിയിട്ടുണ്ട്. അന്തരിച്ച മലയാളത്തിൻ്റെ വിഖ്യാത സാഹിത്യകാരൻ എം.ടി വാസുദേവൻ നായർക്ക് രാജ്യം മരണാനന്തര ബഹുമതിയായി പത്മ വിഭൂഷൺ നൽകി ആദരിച്ചിരിക്കുകയാണ്. 2005 ൽ അദ്ദേഹത്തിന് പത്മഭൂഷൺ ലഭിച്ചിരുന്നു. കഴിഞ്ഞ ഡിസംബര് 25നാണ് എം.ടി വിടവാങ്ങിയത്. ആകെ ഏഴ് പേർക്കാണ് ഇത്തവണ പത്മവിഭൂഷൺ നൽകിയിട്ടുള്ളത്.
മലയാളികളായ ഒളിമ്പ്യന് പി.ആര് ശ്രീജേഷിനും ഡോ. ജോസ് ചാക്കോ പെരിയപുറത്തിനും പത്മഭൂഷണ് പുരസ്കാരവും പ്രഖ്യാപിച്ചിട്ടുണ്ട്. കായിക മേഖലയിൽ നിന്നാണ് പി. ആർ ശ്രീജേഷിന് പത്മഭൂഷൺ നൽകി ആദരിക്കുന്നത്. നേരത്തെ പരമോന്നതി കായിക പുരസ്കാരമായ ഖേൽരത്ന നൽകി പി. ആർ ശ്രീജേഷിനെ രാജ്യം ആദരിച്ചിരുന്നു. ആരോഗ്യ മേഖലയിൽ നിന്നാണ് ഡോ. ജോസ് ചാക്കോ പെരിയപുറത്തിന് പത്മഭൂഷൺ ലഭിക്കുന്നത്. ആകെ 26 പേർക്കാണ് പത്മഭൂഷൺ പുരസ്കാരം പ്രഖ്യാപിച്ചിട്ടുള്ളത്.
കേരളത്തിൻ്റെ അഭിമാനമായ മുൻ ഇന്ത്യൻ ഫുട്ബോള് താരം ഐ.എം. വിജയന്, കലാകാരി ഓമനക്കുട്ടിയമ്മ എന്നിവർ പത്മശ്രീ പുരസ്കാരത്തിന് അർഹരായി. ആകെ 113 പേര്ക്ക് പത്മശ്രീ പുരസ്കാരം പ്രഖ്യാപിച്ചിട്ടുള്ളത്. തമിഴ് ചലച്ചിത്ര താരം അജിത്, നടി ശോഭന എന്നിവർക്കും പത്മഭൂഷൺ നൽകി രാജ്യം ആദരിച്ചിട്ടുണ്ട്. ക്രിക്കറ്റ് താരം ആർ. അശ്വിൻ, ഗായകൻ അർജീത് സിംഗ് എന്നിവർക്ക് പത്മശ്രീയും നൽകിയിട്ടുണ്ട്.
അന്തരിച്ച ഫോക്ക് ഗായിക ശാരദ സിൻഹയ്ക്കും മരണാനന്തര ബഹുമതിയായി പത്മ വിഭൂഷൺ നൽകിയിട്ടുണ്ട്. 139 പത്മ അവാർഡുകളിൽ ഏഴ് പേർക്ക് പത്മവിഭൂഷണും 19 പേർക്ക് പത്മഭൂഷണും 113 പേർക്ക് പത്മശ്രീയും ലഭിക്കും.