വിവാദ ചിത്രം ‘കേരള സ്റ്റോറി 2’ ചിത്രത്തിന്റെ ട്രെയിലർ ഇതുവരെ കണ്ടിട്ടില്ലെന്നും ഇനി കാണാൻ പദ്ധതിയില്ലെന്നും ബിജെപി സംസ്ഥാന പ്രസിഡന്റ് രാജീവ് ചന്ദ്രശേഖർ.”ഞാൻ അത് കണ്ടിട്ടില്ല. ഞാൻ അത് കാണാൻ പോകുന്നില്ല. കാണാൻ ആഗ്രഹിക്കുന്നവർക്ക് കാണാം. കാണാൻ താൽപ്പര്യമില്ലാത്തവർക്ക് കാണേണ്ടതില്ല. ഇന്ത്യയിൽ ആർട്ടിക്കിൾ 19 ഉണ്ട്, എല്ലാവർക്കും സിനിമ നിർമ്മിക്കാനുള്ള അവകാശമുണ്ട്. എന്തെങ്കിലും പ്രശ്നമുണ്ടെങ്കിൽ കോടതി റദ്ദാക്കും. എല്ലാവർക്കും സിനിമ റിലീസ് ചെയ്യാൻ അവകാശമുണ്ട്. കാണാൻ ആഗ്രഹിക്കുന്നവർക്ക് കാണാം, മറ്റുള്ളവർക്ക് കാണേണ്ടതില്ല”, മാധ്യമങ്ങളോട് സംസാരിക്കുകയായിരുന്നു അദ്ദേഹം. എമ്പുരാൻ പുറത്തിറങ്ങിയപ്പോഴും ഞാൻ എന്താണ് പറഞ്ഞത്? ഞാൻ സിനിമ കാണുന്നില്ല. സിനിമ റിലീസ് ചെയ്യരുതെന്ന് ഞാൻ പറഞ്ഞില്ല.- രാജീവ് ചന്ദ്രശേഖർ വ്യക്തമാക്കി
