ശനിയാഴ്ച പുലർച്ചെ നാല് നില കെട്ടിടം തകർന്ന് നാല് പേർ മരിച്ചു. അവശിഷ്ടങ്ങൾക്കിടയിൽ ഇരുപത്തിയഞ്ചോളം പേർ കുടുങ്ങിക്കിടക്കുന്നതായി സംശയിക്കുന്നതായി പോലീസ് പറഞ്ഞു. മുസ്തഫാബാദ് പ്രദേശത്താണ് സംഭവം. ഇതുവരെ 14 പേരെ രക്ഷപ്പെടുത്തിയതായി പോലീസ് അറിയിച്ചു. ദേശീയ ദുരന്ത നിവാരണ സേന (എൻ‌ഡി‌ആർ‌എഫ്), അഗ്നിശമന സേനാംഗങ്ങൾ, ഡൽഹി പോലീസ് എന്നിവരുടെ രക്ഷാപ്രവർത്തകർ സ്ഥലത്തെത്തി. കെട്ടിടം തകർന്നതിന്റെ കാരണം അന്വേഷിച്ചുവരികയാണെന്ന് പോലീസ് പറഞ്ഞു.
കഴിഞ്ഞയാഴ്ച ഡൽഹി-എൻസിആർ മേഖലയിൽ കെട്ടിടം തകർന്നും മതിൽ ഇടിഞ്ഞുവീണും ഉണ്ടായ വ്യത്യസ്ത സംഭവങ്ങളിൽ രണ്ട് പേർ കൊല്ലപ്പെടുകയും മൂന്ന് പേർക്ക് പരിക്കേൽക്കുകയും ചെയ്തു.