മാധ്യമങ്ങൾക്ക് നേരെ ഭീഷണിയുമായി ബിജെപി സംസ്ഥാന അദ്ധ്യക്ഷ കെ. സുരേന്ദ്രൻ. ബിജെപിക്കെതിരെ കള്ള വാർത്ത നൽകിയാൽ മാധ്യമങ്ങളുടെ ഓഫീസിൽ എത്തി ചോദിക്കുമെന്ന് അദ്ദേഹം പറഞ്ഞു. കള്ള വാര്ത്തകള് കൊടുത്താൽ ആ പത്രത്തിന്റെ ഓഫീസിൽ നേരെ വന്ന് ചോദിക്കും. അതിനുള്ള അവകാശം ഞങ്ങള്ക്കുണ്ടെന്നും കെ സുരേന്ദ്രൻ പറഞ്ഞു. ഇതാദ്യമല്ല മാധ്യമങ്ങൾക്ക് നേരെ ഭീഷണിയുമായി കെ. സുരേന്ദ്രൻ എത്തുന്നത്.
ബിജെപിക്കെതിരെ വാര്ത്ത നൽകുകയാണെന്ന് കെ സുരേന്ദ്രൻ ആരോപിച്ചു. കഴിഞ്ഞ ദിവസം സംസ്ഥാന നേതൃയോഗം നടന്നപ്പോള് നിങ്ങളുടെ ഒക്കെ ഫോണിലേക്ക് ഒരു മെസേജ് വന്നത് അറിയാം. അത് ആരാണ് അയച്ചതെന്നും അറിയാം. നിങ്ങള്ക്കൊന്നും ഒരു നാണവുമില്ലേ? ആരെങ്കിലും എഴുതി അയക്കുന്ന സാധനം ചാനലുകളിലും പത്രതാളുകളിലും അടിച്ചുവിടുകയാണോ എന്നും സുരേന്ദ്രൻ ചോദിച്ചു. എത്തിക്സിന്റെ ഒരു അംശം പോലുമില്ലെന്ന് പറഞ്ഞ സുരേന്ദ്രൻ മാദ്ധ്യമങ്ങെ കാണുന്നത് തന്നെ കേരള സമൂഹത്തിന് അലര്ജിയാണെന്നും പറഞ്ഞു. നിങ്ങളെയൊക്കെ കൈകാര്യം ചെയ്യുമെന്ന് പറഞ്ഞത് ഓഫീസിൽ വന്ന് ചോദിക്കുമെന്ന് തന്നെയാണെന്നും അദ്ദേഹം കൂട്ടിച്ചേർത്തു.
നേരത്തെ സംസ്ഥാന ബിജെപിയിലെ) അസ്വാരസ്യങ്ങള് സംബന്ധിച്ച വാര്ത്തകളില് മാധ്യമങ്ങളോട് കയർത്ത് സംസ്ഥാന അധ്യക്ഷന് കെ സുരേന്ദ്രന് എത്തിയിരുന്നു. ഭാരതീയ ജനതാ പാര്ട്ടിയും ദേശീയ ജനാധിപത്യ സഖ്യവും എന്താണെന്ന് അറിയാത്ത രീതിയിലാണ് മാധ്യമങ്ങള് മൂന്ന് ദിവസമായി തുള്ളിക്കൊണ്ടിരിക്കുന്നത്. ഇതിലെല്ലാം മാധ്യമങ്ങള് നിരാശരാകേണ്ടി വരുമെന്നും സുരേന്ദ്രന് പറഞ്ഞിരുന്നു.