നിയമസഭ തെരഞ്ഞെടുപ്പ് നടന്ന ത്രിപുരയിൽ മികച്ച പോളിംഗ് രേഖപ്പെടുത്തി. പരമാവധി വോട്ടർമാരെ ബൂത്തിലെത്തിക്കാനുള്ള ശ്രമം എല്ലാ പാര്‍ട്ടികളും നടത്തി. വോട്ടിംഗ് അവസാനിച്ചപ്പോൾ ഔദ്യോഗിക വോട്ടിംഗ് ശതമാനം നാലുമണിവരെ ത്രിപുരയിൽ 81 ശതമാനം പോളിങ് രേഖപ്പെടുത്തി. ചില സ്ഥലങ്ങളിൽ സംഘർഷം ഉണ്ടായി. ശാന്തിർബസാർ, ധൻപൂര്‍, ഹൃഷ്യാമുഖ്,ബെലൂനിയ തുടങ്ങിയിടങ്ങളില്‍ ബിജെപി സിപിഎം പ്രവർത്തകർ ഏറ്റുമുട്ടി. ഇന്നലെ തുടങ്ങിയ സംഘർഷം ചില സ്ഥലങ്ങളിൽ വോട്ടെടുപ്പ് ദിനത്തിലും തുടര്‍ന്നു.
