ഇന്ത്യൻ കരിക്കാട് താരവും ചെന്നൈ സൂപ്പർ കിംഗ്സിൻ്റെ മഹാരാഷ്ട്ര ക്രിക്കറ്ററുമായ ഋതുരാജ് ഗെയ്ക്വാദ് വിവാഹിതനായി. മഹാരാഷ്ട്ര ക്രിക്കറ്റ് താരം ഉത്കർഷ പവാറാണ് വധു. ഇരുവരും ദീർഘകാലമായി പ്രണയത്തിലായിരുന്നു. ഈയിടെ അവസാനിച്ച ഐ.പി.എല്ലില്‍ ചെന്നൈ സൂപ്പര്‍ കിങ്‌സിനുവേണ്ടി തകര്‍പ്പന്‍ പ്രകടനമാണ് ഋതുരാജ് കാഴ്ചവെച്ചത്. ഓസ്‌ട്രേലിയയ്‌ക്കെതിരായ ലോകടെസ്റ്റ് ചാമ്പ്യന്‍ഷിപ്പ് ഫൈനലിനുള്ള ഇന്ത്യന്‍ ടീമില്‍ ഇടം നേടിയെങ്കിലും വിവാഹം മൂലം താരം മത്സരത്തില്‍ നിന്ന് പിന്മാറി. പൂനെ സ്വദേശിനിയായ ഉത്കർഷ ഓൾറൗണ്ടറാണ്. മഹാരാഷ്ട്ര അണ്ടർ 19 ടീം അംഗമായിരുന്ന ഉത്കർഷ പിന്നീട് സീനിയർ ടീമിൽ ഇടം പിടിച്ചു. വിവാഹത്തിൻ്റെ ചിത്രങ്ങൾ ഇരുവരും സമൂഹമാധ്യമങ്ങളിലൂടെ പങ്കുവച്ചു.
