ഒന്നാം പിണറായി സര്ക്കാരിന്റെ കാലം മുതലുള്ള പരോൾ കണക്ക് മുഖ്യമന്ത്രി നിയമസഭയില് വിശദീകരിച്ചു. തിരുവഞ്ചൂര് രാധാകൃഷ്ണന്റെ ചോദ്യത്തിനാണ് മുഖ്യമന്ത്രിയുടെ മറുപടി. ടി പി ചന്ദ്രശേഖരന് വധക്കേസ് പ്രതികള്ക്ക് പരോള് വാരിക്കോരി നല്കി സര്ക്കാര്. കൊടി സുനിക്ക് പരോള് ലഭിച്ചത് 60 ദിവസമാണ്. കെ സി രാമചന്ദ്രന്, ട്രൗസര് മനോജ്, അണ്ണന് സജിത്ത് എന്നിവര്ക്ക് ആയിരം ദിവസത്തിലധികം പരോള് ലഭിച്ചു.
കെ സി രാമചന്ദ്രന് 1081 ദിവസവും, ട്രൗസര് മനോജിന് 1068 ദിവസവും സജിത്തിന് 1078 ദിവസവും പരോള് ലഭിച്ചു. ആറു പേര് 500ലധികം ദിവസം ജയിലിന് പുറത്തായിരുന്നു. ടി കെ രാജേഷ് – 940, മുഹമ്മദ് ഷാഫി – 656, ഷിനോജ് – 925, റഫീഖ് – 782, കിര്മാണി മനോജ് – 851, എം സി അനൂപ് – 900 എന്നിങ്ങനെയാണ് മറ്റുള്ളവര്ക്ക് ലഭിച്ചത്.
ചില പ്രതികള്ക്ക് ശിക്ഷാ ഇളവ് നല്കി മോചിപ്പിക്കാനുള്ള നീക്കം അടുത്തിടെ പുറത്ത് വന്നിരുന്നു. ഇതിന് പിന്നാലെയാണ് കണക്കുകള് കൂടി പുറത്ത് വന്നത്. കെ കെ രമ എംഎല്എ വിഷയത്തില് അതൃപ്തി ഇതിനോടകം തന്നെ പ്രകടിപ്പിച്ചിട്ടുണ്ട്. എമര്ജന്സി ലീവ്, ഓര്ഡിനറി ലീവ്, കോവിഡ് സ്പെഷ്യല് ലീവ് എന്നിങ്ങനെ മൂന്ന് വിഭാഗത്തിലാണ് പരോള് അനുവദിച്ചത്.