കേരളത്തിൽ ഇന്ന് റമദാൻ ഒന്ന്. പരിശുദ്ധ ഖുര്ആന് അവതരിച്ച മാസമാണ് റമദാന്. വിശ്വാസികൾക്ക് ഇത് പുണ്യമാസം. പകൽ മുഴുവൻ ആഹാരപാനിയങ്ങൾ ഉപേക്ഷിച്ചുളള വ്രതാനുഷ്ടാനത്തിലൂടെയും പ്രാർത്ഥനയിലൂടെയും ആത്മശുദ്ധീകരണത്തിന്റെതാണ് ഈ ഒരു മാസം. പള്ളികളിൽ പ്രത്യേക പ്രാർത്ഥനകളും രാത്രി വൈകിവരെയുളള പ്രാർത്ഥനയും ഖുർആൻ പാരായണവും തിന്മകളിൽ നിന്ന് മുക്തമാക്കാൻ ഉതകുന്നതാണെന്നാണ് വിശ്വാസം. മസ്ജിദുകളിൽ പ്രത്യേക പ്രാർഥനകളും വിവിധയിടങ്ങളിൽ ഇഫ്താർ വിരുന്നുകളും നടക്കും. പള്ളികളും ഭവനങ്ങളും വിശുദ്ധമാസത്തിന് നേരത്തെത്തന്നെ ഒരുങ്ങിയിരുന്നു. വിവിധയിടങ്ങളില് മുസ്ലിം സംഘടനകളുടെ ആഭിമുഖ്യത്തില് മതപ്രഭാഷണങ്ങളും നടക്കും.
