കേന്ദ്ര ടൂറിസം-പെട്രോളിയം സഹമന്ത്രി സുരേഷ് ഗോപി ഇന്ന് രാവിലെ കണ്ണൂർ മാടായിക്കാവിൽ സന്ദർശനം നടത്തി. 15 മിനുട്ടോളം അദ്ദേഹം ക്ഷേത്രത്തിൽ ചിലവഴിച്ചു. നൂറുകണക്കിന് ആളുകൾ ആണ് അദ്ദേഹത്തെ സ്വീകരിക്കാൻ ക്ഷേത്ര പരിസരത്ത് തടിച്ചു കൂടിയത്. കേന്ദ്രസഹമന്ത്രിയായി സത്യപ്രതിജ്ഞ ചെയ്ത ശേഷം ആദ്യമായി കേരളത്തിലെത്തിയ സുരേഷ് ഗോപിയ്ക്ക് വന് സ്വീകരണമാണ് ബിജെപി പ്രവര്ത്തകര് ഒരുക്കിയത്. രാത്രി കരിപ്പൂര് വിമാനത്താവളത്തിലാണ് സുരേഷ് ഗോപി വിമാനമിറങ്ങിയത്. ആര്പ്പുവിളികളോടെയാണ് ബിജെപി പ്രവര്ത്തകര് സുരേഷ് ഗോപിയെ വരവേറ്റു. എം ടി രമേശ് ഉള്പ്പെടെയുള്ള ബിജെപിയുടെ മുതിര്ന്ന നേതാക്കളും കേന്ദ്രമന്ത്രിയെ വരവേല്ക്കാനായെത്തി.
ഇന്ന് രാവിലെ അദ്ദേഹം കോഴിക്കോട് തളി ശിവക്ഷേത്രം സന്ദര്ശിച്ചു. 6.30 ഓടെയായിരുന്നു മന്ത്രി സുരേഷ് ഗോപി ക്ഷേത്രത്തിലെത്തിയത്. അതിനുശേഷം അദ്ദേഹം മാരാര്ജി ഭവനിലെത്തി ബിജെപി നേതാക്കളുമായി കൂടിക്കാഴ്ച നടത്തി. കണ്ണൂരിലെ വിവിധ ക്ഷേത്രങ്ങളില് അദ്ദേഹം ദര്ശനം നടത്തും. രാജരാജേശ്വര ക്ഷേത്രം, പറശിനിക്കടവ് മുത്തപ്പൻ മഠപ്പുര എന്നിവിടങ്ങളിൽ ദർശനം നടത്തും. പിന്നീട് കണ്ണൂര് പയ്യാമ്പലത്തെ മാരാർ ജി സ്മൃതി കുടീരത്തിലെത്തി പുഷ്പാർച്ചന നടത്തും. തുടർന്ന് കല്യാശേരിയിലേക്ക് പോകുന്ന സുരേഷ് ഗോപി മുൻ മുഖ്യമന്ത്രിയും സിപിഎം നേതാവുമായിരുന്ന ഇകെ നായനാരുടെ വീട്ടിലെത്തി ഭാര്യ ശാരദ ടീച്ചറെ സന്ദർശിക്കും. ശേഷം കൊട്ടിയൂർ ക്ഷേത്രത്തിലും ദർശനം നടത്തും. പിന്നീട് തൃശൂരിലേക്ക് മടങ്ങും.
കേന്ദ്ര സഹമന്ത്രിയായി സത്യപ്രതിജ്ഞ ചെയ്ത സുരേഷ് ഗോപി ഇന്നലെയാണ് വകുപ്പുകളുടെ ചുമതല ഏറ്റെടുത്തത്. പെട്രോളിയം പ്രകൃതി വാതകം, ടൂറിസം മന്ത്രാലയങ്ങളുടെ സഹമന്ത്രിയായി ചുമതലയേറ്റു.