അരിക്കൊമ്പന് വിഷയത്തില് പൊതുതാത്പര്യ ഹര്ജി സമര്പ്പിച്ച ട്വന്റി ട്വന്റി് ചീഫ് കോര്ഡിനേറ്റര് സാബു എം ജേക്കബിനെ രൂക്ഷമായി വിമര്ശിച്ച് ഹൈക്കോടതി. ആനയുടെ സുരക്ഷയും ചികിത്സയും ഉറപ്പാക്കണമെന്നാവശ്യപ്പെട്ടായിരുന്നു സാബു എം ജേക്കബിന്റെ ഹര്ജി, ഹര്ജിക്കാരന് രാഷ്ട്രീയ പാര്ട്ടി നേതാവാണ്, കേരളത്തില് രജിസ്റ്റര് ചെയ്ത രാഷ്ട്രീയ പാര്ട്ടിയുടെ നേതാവിന് തമിഴ്നാട്ടിലെ വിഷയത്തില് എന്താണ് കാര്യം, അരിക്കൊമ്പനെ കാടുകയറ്റാമെന്ന ഉത്തരവാദിത്തം തമിഴ്നാട് സര്ക്കാര് ഏറ്റെടുക്കുകയാണ് ചെയ്തത്. ഉത്തരവാദിത്തത്തോട് കൂടി പെരുമാറണം. തമിഴ്നാട്ടില് നടക്കുന്ന കാര്യങ്ങളില് പരാതി ഉണ്ടെങ്കില് മദ്രാസ് ഹൈക്കോടതിയെ സമീപിക്കാമെന്നും കോടതി പറഞ്ഞു.
പൊതുതാത്പര്യ ഹർജികളിൽ പൊതുതാത്പര്യം ഉണ്ടാകണം. അരിക്കൊമ്പൻ ഹർജിയിൽ അതുണ്ടോ ? ജീവിതത്തിൽ എന്നെങ്കിലും ഉൾക്കാട്ടിൽ പോയ അനുഭവം ഉണ്ടോയെന്നും സാബു എം ജേക്കബിനോട് കോടതി ആരാഞ്ഞു. കേരള സർക്കാർ കടബാധ്യതയിലാണ്. അരിക്കൊമ്പൻ ദൗത്യത്തിനായി സർക്കാർ ചെലവഴിച്ചത് 80 ലക്ഷം രൂപയാണ്. സാബു ആണെങ്കിൽ ബിസിനസിൽ മികച്ച് നിൽക്കുന്നു. തമിഴ്നാട് സർക്കാർ ആനയെ മാറ്റാൻ തയ്യാറായാൽ എല്ലാ ചിലവും സാബു വഹിക്കുമോയെന്ന് ആരാഞ്ഞ കോടതി, സാബുവിന് മുഴുവൻ ചിലവും വഹിക്കാമല്ലോ, രാഷ്ട്രീയ പാർട്ടി നേതാവ് കൂടിയല്ലേയെന്നും പരിഹസിച്ചു.
അരിക്കൊമ്പന് തമിഴ്നാട്ടിലാണുള്ളത്. ഉൾവനത്തിലേക്ക് ആനയെ അയക്കണമെന്നാണ് തമിഴ്നാട് പറയുന്നത്. തമിഴ്നാട് വനം വകുപ്പ് ആനയെ എന്തെങ്കിലും തരത്തിൽ ഉപദ്രവിച്ചതായി തെളിവില്ല. ആനയെ സംരക്ഷിക്കാമെന്നും അവർ അറിയിച്ചിട്ടുണ്ട്. ഈ സാഹചര്യത്തില് ആനയെ കേരളത്തില് തിരികെ കൊണ്ട് വരണമെന്ന് പറയുന്നതിന്റെ അടിസ്ഥാനമെന്താണ്.? ജീവിതത്തില് എന്നെങ്കിലും ഉള്ക്കാട്ടില് പോയ അനുഭവം ഉണ്ടോയെന്നും സാബു എം ജേക്കബിനോട് കോടതി ചോദിച്ചു.