കൊഹിമ: നാഗാലാന്ഡ് നിയമസഭ തെരഞ്ഞെടുപ്പിൽ ചരിത്രം തിരുത്തി നിയമസഭയിലെ ആദ്യ വനിത പ്രതിനിധികളായി ഹെകാനി ജഖാലുവും സല്ഹൗതുവോനുവോ ക്രൂസെയും. നാഗാലാന്ഡ് നിയമസഭയിലെ ആദ്യ വനിത പ്രതിനിധികളാണ് ഇരുവരും
അഭിഭാഷകയും സമൂഹ്യ പ്രവർത്തകയുമായ 48കാരിയായ ഹെകാനി നാഷണലിസ്റ്റ് ഡെമോക്രാറ്റിക് പ്രൊഗ്രസീവ് പാർട്ടി (എൻ.ഡി.പി.പി) സ്ഥാനാർഥികളായ ഹെകാനി ജഖാലു ദിമാപൂര് മൂന്നിൽ നിന്നാണ് മത്സരിച്ചത്. വാശിയേറിയ തെരഞ്ഞെടുപ്പിൽ 1,536 വോട്ടിന്റെ ഭൂരിപക്ഷത്തിലാണ് ഹെകാനി ലോക് ജനശക്തി പാർട്ടി (റാം വിലാസ്) സ്ഥാനാർഥി അസെറ്റോ സിമോമിയെ പരാജയപ്പെടുത്തിയത്. നാഷണലിസ്റ്റ് ഡെമോക്രാറ്റിക് പ്രൊഗ്രസീവ് പാർട്ടി (എൻ.ഡി.പി.പി) സ്ഥാനാർഥികളായ സല്ഹൗതുവോനുവോ ക്രൂസെ വെസ്റ്റ് അംഗമിയിൽ നിന്നുമാണ് തെരഞ്ഞെടുക്കപ്പെട്ടത്. സ്വതന്ത്ര സ്ഥാനാർഥി കെനീസാഖോ നഖ്രോയെ ഏഴ് വോട്ടിന്റെ ഭൂരിപക്ഷത്തിലാണ് സല്ഹൗതുവോനുവോ ക്രൂസെ പരാജയപ്പെടുത്തിയത്.
സംസ്ഥാന പദവി നേടി 60 വര്ഷം കഴിഞ്ഞിട്ടും നാഗാലാന്ഡ് നിയമസഭയിലേക്ക് ഒരു വനിതയെ തെരഞ്ഞെടുത്തിരുന്നില്ല. നിയമസഭ തെരഞ്ഞെടുപ്പിലെ 183 സ്ഥാനാർഥികളില് നാല് വനിതകൾ മാത്രമാണ് ഇത്തവണ ജനവിധി തേടിയത്. ഹെകാനി ജഖാലുവും സല്ഹൗതുവോനുവോ ക്രൂസെയും കൂടാതെ ടെനിങ്ങില് കോണ്ഗ്രസിന്റെ റോസി തോംപ്സണ്, വെസ്റ്റ് അംഗമിയില് എൻ.ഡി.പി.പിയുടെ സല്ഹൗതുവോനുവോ, അതോയ്ജു സീറ്റില് ബി.ജെ.പിയുടെ കഹുലി സെമ എന്നിവരാണ് മറ്റ് വനിതകൾ. ഇത്തവണത്തെ തെരഞ്ഞെടുപ്പിൽ മത്സരിച്ച നാലു വനിതകളിൽ ആരാകും ചരിത്രം സൃഷ്ടിക്കുക എന്ന ആകാംക്ഷയിലായിരുന്നു നാഗാലാൻഡിലെ ജനങ്ങൾ. സംസ്ഥാനത്തെ വോട്ടർമാരിൽ 6.52 ലക്ഷം പുരുഷന്മാരും 6.55 ലക്ഷം വനിതകളുമാണ്.