വസീറാബാദിലെ ഡല്ഹി പൊലീസ് ട്രെയിനിംഗ് സ്കൂളില് വന് തീപിടിത്തം. യാര്ഡില് നിര്ത്തിയിട്ടിരുന്ന 450 ഓളം വാഹനങ്ങള് കത്തിനശിച്ചു. പുലര്ച്ചെ പന്ത്രണ്ടരയോടെയാണ് തീപിടുത്തം ഉണ്ടായതെന്നാണ് നിഗമനം. പുലര്ച്ചെ നാലരയോടെയാണ് തീ നിയന്ത്രണവിധേയമായത്.
ഡല്ഹി ഫയര് സര്വീസ് ഡിപ്പാര്ട്ട്മെന്റിന്റെ എട്ട് ഫയര് എഞ്ചിനുകള് സ്ഥലത്തെത്തി തീ നിയന്ത്രണ വിധേയമാക്കി. വിവരം ലഭിച്ചയുടന് എട്ട് ഫയര് എഞ്ചിനുകള് സ്ഥലത്തെത്തി. എന്നാല് തീ നിയന്ത്രണവിധേയമാക്കാന് കൂടുതല് ഫയര് എഞ്ചിനുകള് എത്തിക്കേണ്ടി വന്നു.
പൊലീസ് ട്രെയിനിംഗ് സ്കൂളിന്റെ പഴയ വാഹനങ്ങള് സൂക്ഷിക്കുന്ന സ്റ്റോറേജ് ഏരിയയിലാണ് തീപിടിത്തമുണ്ടായതെന്ന് വകുപ്പ് വ്യക്തമാക്കി. തീപിടിത്തത്തില് ഏകദേശം 200 നാലുചക്ര വാഹനങ്ങളും 250 ഇരുചക്രവാഹനങ്ങളും നശിച്ചു. തീപിടിത്തത്തിന്റെ കാരണം വ്യക്തമല്ല, അന്വേഷണം ആരംഭിച്ചിട്ടുണ്ട്.