ജിദ്ദയില്‍ നിന്ന് ഡല്‍ഹിയിലേക്കുള്ള ഇന്‍ഡിഗോ വിമാനം അടിയന്തരമായി ജോധ്പൂര്‍ വിമാനത്താവളത്തില്‍ ഇറക്കി. വിമാന യാത്രയ്ക്കിടെ ഒരു യാത്രക്കാരിയുടെ ആരോഗ്യനില വഷളായതിനെ തുടര്‍ന്നാണ് അടിയന്തര ലാന്‍ഡിങ് നടത്തിയതെന്ന് എയര്‍പോര്‍ട്ട് വൃത്തങ്ങള്‍ അറിയിച്ചു. നിലത്തിറക്കി രോഗബാധിതയായ മിത്ര ബാനോയെ (61) ജോധ്പൂരിലെ ഗോയല്‍ ഹോസ്പിറ്റല്‍ ആന്‍ഡ് റിസര്‍ച്ച് സെന്ററിലേക്ക് കൊണ്ടുപോയെങ്കിലും മരണമടഞ്ഞു. ജമ്മു കശ്മീരിലെ ഹസാരിബാഗ് സ്വദേശിയായിരുന്നു മിത്ര ബാനോ.
