ഡല്‍ഹി മദ്യനയക്കേസുമായി ബന്ധപ്പെട്ട് ഡല്‍ഹി മുന്‍ ഉപമുഖ്യമന്ത്രി മനീഷ് സിസോദിയയെ എന്‍ഫോഴ്സ്മെന്റ് ഡയറക്ടറേറ്റ് അറസ്റ്റ് ചെയ്തു. ഇതേ കേസില്‍ നേരത്തെ സിബിഐ അറസ്റ്റ് ചെയ്ത സിസോദിയ നിലവില്‍ തിഹാര്‍ ജയിലിലാണുളളത്. ഇഡി ഉദ്യോഗസ്ഥര്‍ ചൊവ്വാഴ്ച്ച മനീഷ് സിസോദിയയെ തിഹാര്‍ ജയിലില്‍ രാവിലെ 10.15 മുതല്‍ 11 വരെ 45 മിനിറ്റ് ചോദ്യം ചെയ്തതായി ആം ആദ്മി പാര്‍ട്ടി വൃത്തങ്ങള്‍ അറിയിച്ചിരുന്നു.
അതേസമയം മനീഷ് സിസോദിയയുടെ ജാമ്യാപേക്ഷ ഡല്‍ഹി റൂസ് അവന്യൂ കോടതി വെള്ളിയാഴ്ച പരിഗണിക്കും. ഡല്‍ഹി മദ്യനയ അഴിമതിയുമായി ബന്ധപ്പെട്ട് അറസ്റ്റിലായ മുന്‍ ഡല്‍ഹി മന്ത്രി ഇപ്പോള്‍ ജുഡീഷ്യല്‍ കസ്റ്റഡിയിലാണുളളത്.