ബി.ജെ.പി നേതാവും കേന്ദ്ര അഭ്യന്തരമന്ത്രിയുമായ അമിത് ഷാക്കെതിരെ നടത്തിയ മാനനഷ്ടക്കേസിൽ കോൺഗ്രസ് നേതാവ് രാഹുൽ ഗാന്ധിക്ക് തിരിച്ചടി. അമിത് ഷാക്കെതിരായ രാഹുലിന്റെ അപകീർത്തി പരാമർശ കേസിൽ രാഹുൽഗാന്ധിയുടെ ഹർജി ജാർഖണ്ഡ് ഹൈക്കോടതി തള്ളി. 2018ല്‍ കേന്ദ്ര ആഭ്യന്തര മന്ത്രി അമിത് ഷായ്ക്കെതിരായി നടത്തിയ പരാമര്‍ശങ്ങള്‍ സംബന്ധിച്ച കേസില്‍ കീഴ് കോടതിയില്‍ വിചാരണ നടക്കും. അമിത് ഷായുടെ പ്രതിച്ഛായ മോശമാക്കിയെന്ന് ആരോപിച്ച് ബിജെപി നേതാവ് നൽകിയ പരാതിയിലാണ് കേസെടുത്തിരുന്നത്.
വിചാരണക്കോടതി നടപടി റദ്ദാക്കണമെന്നാവശ്യപ്പെട്ടാണ് രാഹുൽ ഹൈക്കോടതിയെ സമീപിച്ചത്. അമിത് ഷാ കൊലപാതക കേസ് പ്രതി എന്നായിരുന്നു രാഹുലിന്റെ പരാമർശം. തുടർന്ന് അമിത് ഷായുടെ പ്രതിച്ഛായ മോശമാക്കിയെന്ന് ആരോപിച്ച് ബി.ജെ.പി നേതാവ് നവീൻ ഝായാണ് കോടതിയെ സമീപിച്ചത്. ഈ കേസ് തള്ളണമെന്ന ആവശ്യമാണ് കോടതി തള്ളിയത്.
സമാനമായ കേസ് രാഹുലിനെതിരെ യു.പിയിലും നിലവിലുണ്ട്. അമിത് ഷായ്‌ക്കെതിരായ ഈ അപകീർത്തി കേസിൽ യു.പിയിലെ സുൽത്താൻപൂർ കോടതി രാഹുലിന് ജാമ്യം അനുവദിച്ചിട്ടുണ്ട്. 2018-ൽ കർണാടക നിയമസഭാ തെരഞ്ഞെടുപ്പ് പ്രചാരണത്തിനിടെ കേന്ദ്ര ആഭ്യന്തര മന്ത്രി അമിത് ഷായ്ക്കെതിരെ കൊലപാതക്കേസ് പ്രതിയെന്ന് വിളിച്ചെന്ന് ചൂണ്ടിക്കാട്ടി, ബി.ജെ.പി നേതാവ് വിജയ് മിശ്രയാണ് ഈ കേസ് നല്കിയത്.
കർണാടക നിയമസഭാ തിരഞ്ഞെടുപ്പിനോട് 2018ല്‍ ബെംഗളൂരുവിലെത്തിയ രാഹുൽ ഗാന്ധി കേന്ദ്ര ആഭ്യന്തര മന്ത്രി അമിത് ഷായ്ക്കെതിരെ ആക്ഷേപകരമായ പരാമര്‍ശം നടത്തിയെന്നാണ് കേസ്. അന്ന് രാഹുലിനെതിരെ ബിജെപി ജില്ലാ വൈസ് പ്രസിഡന്റ് വിജയ് മിശ്ര പരാതി നല്‍കിയിരുന്നു. അമിത് ഷായുടെ പ്രതിച്ഛായ മോശമാക്കിയെന്ന് ആരോപിച്ചാണ് ബിജെപി നേതാവ് പരാതി നൽകിയത്. ഗുജറാത്ത് ആഭ്യന്തര മന്ത്രിയായിരിക്കെ പ്രതിയായ 2005ലെ വ്യാജ ഏറ്റുമുട്ടൽ കേസിൽ നിന്ന് 2014ൽ മുംബൈയിലെ പ്രത്യേക സിബിഐ കോടതി ഷായെ വെറുതെവിട്ടിരുന്നു.
ഇതോടെ കേസ് കോടതിയിലെത്തി. വിചാരണക്കോടതിയില്‍ നടക്കുന്ന നടപടികള്‍ റദ്ദാക്കണമെന്നാവശ്യപ്പെട്ട് രാഹുല്‍ ഹൈക്കോടതിയില്‍ ഹര്‍ജി നല്‍കി.ഫെബ്രുവരി 16 ന് രാഹുല്‍ ഗാന്ധിയുടെ രേഖാമൂലമുള്ള ഭാഗം കോടതിയില്‍ ഹാജരാക്കിയ ശേഷം ജസ്റ്റിസ് അംബുജ് നാഥിന്റെ ബെഞ്ച് തീരുമാനം പറയുന്നത് മാറ്റിവച്ചു. ഇതിനിടെ ഭാരത് ജോഡോ ന്യായ് യാത്ര കാരണം ജനുവരി 18ന് കോടതിയിൽ വാദം കേൾക്കുന്നതിൽ നിന്ന് ഗാന്ധി വിട്ടുനിന്നത് ബിജെപിയിൽ നിന്ന് വിമർശനത്തിന് ഇടയാക്കിയിരുന്നു.
പിന്നാലെ കേസിൽ രാഹുൽ ഗാന്ധിക്ക് ഉത്തർപ്രദേശിലെ സുൽത്താൻപുർ പ്രത്യേക കോടതി ജാമ്യം അനുവദിച്ചു. ഹാജരാകുന്നതിൽ നിന്ന് ഒഴിവാക്കണമെന്ന് ആവശ്യപ്പെട്ട് അഭിഭാഷകർ അപേക്ഷ സമർപ്പിച്ചതിന് പിന്നാലെയാണ് ജാമ്യം ലഭിച്ചത്. 25,000 രൂപയുടെ ആൾ ജാമ്യത്തിലും അതേ തുകയുടെ വ്യക്തിഗത ബോണ്ടിലുമാണ് ജാമ്യം അനുവദിച്ചത്. ജാമ്യത്തിനായി ഭാരത് ജോഡോ ന്യായ് യാത്ര നിർത്തിവെച്ച് രാഹുൽ കോടതിയിൽ ഹാജരായിരുന്നു.
മുമ്പ് പ്രധാനമന്ത്രി നരേന്ദ്ര മോദിയുടെ പേരിനെ കുറിച്ച് ആക്ഷേപകരമായ പരാമര്‍ശം നടത്തിയ കേസില്‍ സൂറത്ത് കോടതി രാഹുല്‍ ഗാന്ധിക്ക് ശിക്ഷ വിധിച്ചിരുന്നു.ഇതിന്റെ ഭാഗമായി അദ്ദേഹത്തിന് ലോക്സഭാ അംഗത്വം നഷ്ടമായി. പിന്നീട് സുപ്രീം കോടതി ശിക്ഷ സ്റ്റേ ചെയ്തതോടെ അദ്ദേഹത്തിന്റെ ലോക്സഭാ അംഗത്വം പുനഃസ്ഥാപിക്കുകയായിരുന്നു.