ജമ്മു കശ്മീരിലെ രജൗരിയിൽ സുരക്ഷാ സേനയും ഭീകരരും തമ്മിൽ ഏറ്റുമുട്ടൽ. രജൗരിയിലെ ദസ്സാൽ മെഹാരി ഗ്രാമപ്രദേശത്താണ് വെടിവയ്പുണ്ടായത്. ഏറ്റുമുട്ടൽ നടന്നുകൊണ്ടിരിക്കുകയാണെന്നും റിപ്പോർട്ടുകൾ ഉണ്ട്. വ്യാഴം, വെള്ളി ദിവസങ്ങളിൽ രാത്രിയിൽ പ്രദേശത്ത് വെടിവെപ്പ് നടന്നതിനെ തുടർന്ന് സൈന്യം കോർഡൺ ആൻഡ് സെർച്ച് ഓപ്പറേഷൻ ആരംഭിച്ചതായി വൃത്തങ്ങൾ അറിയിച്ചു.
വ്യാഴാഴ്ച ജമ്മു കശ്മീരിലെ ബാരാമുള്ള ജില്ലയിൽ രണ്ട് ഭീകരരെ സുരക്ഷാ സേന അറസ്റ്റ് ചെയ്യുകയും ആയുധങ്ങളും വെടിക്കോപ്പുകളും കണ്ടെടുക്കുകയും ചെയ്തതായി പോലീസ് അറിയിച്ചു. ഇവർക്കെതിരെ ആയുധ നിയമം, നിയമവിരുദ്ധ പ്രവർത്തനങ്ങൾ (തടയൽ) നിയമം എന്നിവ പ്രകാരം കേസെടുത്തിട്ടുണ്ടെന്നും അന്വേഷണം നടന്നുവരികയാണെന്നും പോലീസ് പറഞ്ഞു.