കൈക്കൂലി വാങ്ങിയതിന് ഒഡീഷയിലെ എൻഫോഴ്സ്മെന്റ് ഡയറക്ടറേറ്റിലെ ഡെപ്യൂട്ടി ഡയറക്ടറെ സിബിഐ അറസ്റ്റ് ചെയ്തു. ബിസിനസുകാരനിൽ നിന്ന് 20 ലക്ഷം രൂപ കൈക്കൂലി വാങ്ങിയതിന് ആണ് ഒഡീഷയിലെ എൻഫോഴ്സ്മെന്റ് ഡയറക്ടറേറ്റിലെ ഡെപ്യൂട്ടി ഡയറക്ടറെ സിബിഐ അറസ്റ്റ് ചെയ്തത്. ഭുവനേശ്വർ ആസ്ഥാനമായുള്ള ഒരു ഖനി വ്യവസായിയിൽ നിന്ന് കൈക്കൂലി വാങ്ങുമെന്ന് സൂചന ലഭിച്ചതിനെ തുടർന്ന് കേന്ദ്ര ഏജൻസി നടത്തിയ പരിശോധനയിലാണ് ചിന്തൻ രഘുവംശി എന്ന ഉദ്യോഗസ്ഥൻ വ്യാഴാഴ്ച പിടിയിലായത്.
2013 ബാച്ചിലെ ഐആർഎസ് ഉദ്യോഗസ്ഥനായ രഘുവംശിയെ ഓപ്പറേഷനിൽ പിടികൂടിയതായും പിന്നീട് ചോദ്യം ചെയ്യലിനുശേഷം അറസ്റ്റ് ചെയ്തതായും ഉദ്യോഗസ്ഥർ പറഞ്ഞു.