ജമ്മു കശ്മീരിലെ കുപ്‌വാര ജില്ലയിലെ നുഴഞ്ഞുകയറ്റ ശ്രമം പരാജയപ്പെടുത്തി ഭീകരനെ സൈന്യം വധിച്ചു. ഇന്ത്യൻ സൈന്യവും ജമ്മു കശ്മീർ പോലീസും സംയുക്തമായാണ് ഓപ്പറേഷൻ നടത്തിയത്. തങ്ധർ സെക്ടറിലെ അംരോഹി ഏരിയയിലെ നിയന്ത്രണരേഖയിലെ നുഴഞ്ഞുകയറ്റ ശ്രമമാണ് പരാജയപ്പെടുത്തിയത്. കൊല്ലപ്പെട്ട നുഴഞ്ഞുകയറ്റക്കാരനിൽ നിന്ന് കുറ്റകരമായ വസ്തുക്കളും ആയുധങ്ങളും വെടിക്കോപ്പുകളും സുരക്ഷാ സേന കണ്ടെടുത്തു.
ശനിയാഴ്ച ജമ്മു കശ്മീരിലെ രജൗരി ജില്ലയിൽ സുരക്ഷാ സേനയുമായുള്ള ഏറ്റുമുട്ടലിൽ ഒരു ഭീകരൻ കൊല്ലപ്പെട്ട് മണിക്കൂറുകൾക്ക് ശേഷമാണ് കുപ്‌വാരയിലെ നുഴഞ്ഞുകയറ്റ ശ്രമം പരാജയപ്പെട്ടത്. അതേസമയം സുരക്ഷാ സേനയ്ക്ക് നേരെ തീവ്രവാദികൾ വെടിയുതിർത്തതിനെ തുടർന്നാണ് തിരച്ചിൽ ഏറ്റുമുട്ടലിലേക്ക് മാറിയതെന്ന് പോലീസ് പറഞ്ഞു.