ഇന്ത്യയിൽനിന്ന് മിഡിലീസ്റ്റ് രാജ്യങ്ങളിലേക്കുള്ള വിമാന സർവിസുകൾ വ്യാപിപ്പിക്കാനൊരുങ്ങി ടാറ്റ ഗ്രൂപ്പിന്റെയും സിംഗപ്പൂര് എയര്ലൈന്സിന്റെയും സംയുക്ത സംരംഭമായ വിസ്താര എയർലൈൻ. ഇതിന്റെ ഭാഗമായി മുംബൈ-മസ്കത്ത് പ്രതിദിന നോണ് സ്റ്റോപ് സര്വീസ് ആരംഭിച്ചതായി വിസ്താര സി.ഇ.ഒ വിനോദ് കണ്ണന് അറിയിച്ചു. ഗൾഫിലെ നാലാമത്തെ ലക്ഷ്യസ്ഥാനമാണിത്. ആഴ്ചയിൽ ഏഴ് സർവീസുകൾ വീതം നടത്തും . എ320 നിയോ എയർക്രാഫ്റ്റ് ആയിരിക്കും സർവീസിന് ഉപയോഗിക്കുന്നത്. എല്ലാ ദിവസവും രാത്രി 8.30ന് മുംബൈയിൽ നിന്ന് പുറപ്പെടുന്ന വിമാനം പ്രാദേശിക സമയം രാത്രി 9.35ന് മസ്കത്ത് രാജ്യാന്തര വിമാനത്താവളത്തില് എത്തും. രാത്രി 10.55ന് മസ്കത്തിൽ നിന്ന് പുറപ്പെടുന്ന വിമാനം ഇന്ത്യൻ സമയം പുലർച്ചെ 3.10ന് മുംബൈയിൽ മടങ്ങിയെത്തും. നാല് മാസത്തിനുള്ളില് വിസ്താര നെറ്റ്വര്ക്കിലേക്ക് ചേര്ത്ത മൂന്നാമത്തെ ഗള്ഫ് നഗരമാണ് മസ്കത്ത്.
ഇന്ത്യക്കും ഗള്ഫ് മേഖലക്കുമിടക്ക് യാത്രക്കാരുടെ എണ്ണം കൂടിയ സാഹചര്യത്തില് വിസ്താരയുടെ മിഡില് ഈസ്റ്റ് റൂട്ടുകള് മികച്ച പ്രകടനമാണ് കാഴ്ച്ചവക്കുന്നത് എന്നും അവാര്ഡ് നേടിയ വിസ്താരയുടെ സേവനങ്ങള് യാത്രക്കാര് ഈ റൂട്ടിലും ഏറെ ഇഷ്ടപ്പെടുമെന്നും വിസ്താര സി.ഇ.ഒ വിനോദ് കണ്ണന് ദുബൈയിൽ നടത്തിയ വാർത്ത സമ്മേളനത്തിൽ പറഞ്ഞു. ഇന്ത്യയും ഗള്ഫ് രാഷ്ട്രങ്ങളും തമ്മിലുള്ള ദൃഢമായ ഉഭയ കക്ഷി ബന്ധവും ശക്തമായ സാംസ്കാരിക, സാമ്പത്തിക ബന്ധവും വളര്ച്ചാ പദ്ധതികള്ക്ക് വലിയ പ്രചോദനമായെന്നും മിഡില് ഈസ്റ്റിലെ മറ്റ് റൂട്ടുകളിലെ തങ്ങളുടെ വിജയകരമായ ബിസിനസ് അതിന്റെ തെളിവാണെന്നും അദ്ദേഹം വ്യക്തമാക്കി. തുടര്ച്ചയായ വര്ധിച്ച ആവശ്യകത പരിഗണിച്ചാണ് വിസ്താര നെറ്റ്വര്ക്കിലെ നാലാമത്തെ ലക്ഷ്യസ്ഥാനമായ മസ്കത്തിലേക്കുള്ള സര്വീസ് തുടങ്ങിയത്. മുംബൈക്കും ദുബായിക്കുമിടക്ക് വിസ്താരക്ക് നിലവില് പ്രതിദിന സര്വീസുണ്ട്. അബുദാബിയും ജിദ്ദയുമാണ് മറ്റ് രണ്ടെണ്ണം.
സ്കൈട്രാക്സിലും ട്രിപ് അഡൈ്വസറിലും ഇന്ത്യയിലെ ഏറ്റവും ഉയര്ന്ന റേറ്റിംഗുള്ള എയര്ലൈനാണ് വിസ്താര. കൂടാതെ, ക്യാബിന് ശുചിത്വത്തിനും ഉയര്ന്ന സുരക്ഷാ മാനദണ്ഡങ്ങള് ഉയര്ത്തിപ്പിടിച്ചതിനും ലോകോത്തര മികവുകള്ക്ക് നിരവധി പുരസ്കാരങ്ങള് ലഭിച്ചിട്ടുണ്ട്. ലോകത്തിലെ മികച്ച 20 എയര്ലൈനുകളില് വിസ്താര അടുത്തിടെ ഉള്പ്പെട്ടിട്ടുണ്ട്. തുടര്ച്ചയായ രണ്ടാം വര്ഷവും ‘ഇന്ത്യയിലെയും ദക്ഷിണേഷ്യയിലെയും മികച്ച എയര്ലൈന്’, ‘ഇന്ത്യയിലെയും ദക്ഷിണേഷ്യയിലെയും മികച്ച ക്യാബിന് ക്രൂ’; തുടര്ച്ചയായ നാലാം വര്ഷം ‘ഇന്ത്യയിലെയും ദക്ഷിണേഷ്യയിലെയും ബെസ്റ്റ് എയര്ലൈന് സ്റ്റാഫ് സര്വീസ്’; ‘ഇന്ത്യയിലെയും ദക്ഷിണേഷ്യയിലെയും’ ശ്രദ്ധേയമായ 2022ലെ സ്കൈട്രാക്സ് വേള്ഡ് എയര്ലൈന് അവാര്ഡ് എന്നിവ വിസ്താരയെ തേടിയെത്തിയിട്ടുണ്ട്.