മലപ്പുറം ജില്ലയിലെ താനൂർ നിവാസികളുടെ പ്രവാസി കൂട്ടായ്മയായ ടീം താനൂർ ഓണാഘോഷം സംഘടിപ്പിച്ചു. ദുബായ് കരാമയിലെ വൈഡ് റെയ്ഞ്ചില്‍ നടന്ന ‘ഓണാരവം 2024’ മാധ്യമപ്രവർത്തക ജസീത സഞ്ജിത്ത് ഉദ്ഘാടനം ചെയ്തു. സെക്രട്ടറി സലാം അമാസ്‌ സ്വാഗതം പറഞ്ഞു. പ്രസിഡന്റ് അനീഷ് കേയീസ് അധ്യക്ഷനായിരുന്നു. ഓണാഘോഷത്തോട് അനുബന്ധിച്ച് വിവിധ കലാപരിപാടികളും ഓണക്കളികളും ഗാനമേളയും നടന്നു. മത്സര വിജയികളായവർക്ക് സമ്മാനങ്ങള്‍ നല്‍കി. രാവിലെ 11.30 ഓടെ ആരംഭിച്ച പരിപാടി മൂന്ന് മണിവരെ നീണ്ടുനിന്നു. തിരക്കുകളെല്ലാം മാറ്റിവച്ച് ഓണാഘോഷപരിപാടിയില്‍ പങ്കെടുക്കാനെത്തിയവർക്ക് നിഷാർ പത്തായപ്പുര നന്ദി പറഞ്ഞു.
