സ്പേസ് വാകിനൊരുങ്ങി യുഎഇയുടെ ബ​ഹി​രാ​കാ​ശ യാ​ത്രി​ക​ൻ സുൽത്താൻ അൽ നെയാദി

അ​റ​ബ്​ ലോ​ക​ത്തെ ആ​ദ്യ ദീ​ർ​ഘ​കാ​ല ബ​ഹി​രാ​കാ​ശ യാ​ത്രി​ക​ൻ ആയ സു​ൽ​ത്താ​ൻ അ​ൽ നെയാദി ഇന്ന് ച​രി​ത്ര ന​ട​ത്ത​ത്തി​നി​റ​ങ്ങു​ന്നു. ഇന്നു വൈകിട്ട് 5.15നാണ് സഹസഞ്ചാരി സ്റ്റീവ് ബോവനുമായി അൽ നെയാദി ബഹിരാകാശത്ത് നടക്കാനിറങ്ങുക.​ ​ബ​ഹി​രാ​കാ​ശ​​ത്ത് കാ​ലെ​ടു​ത്തു​വെ​ക്കു​ന്ന​തോ​ടെ ബ​ഹി​രാ​കാ​ശ​ത്ത്​​ ന​ട​ക്കാ​നി​റ​ങ്ങു​ന്ന ആ​ദ്യ അ​റ​ബ്​ സ​ഞ്ചാ​രി​യെ​ന്ന ബഹുമതി​ യു.​എ.​ഇ​യു​ടെ സു​ൽ​ത്താ​ൻ നെ​യാ​ദി​​ സ്വ​ന്ത​മാ​ക്കും

അ​ന്താ​രാ​ഷ്​​ട്ര ബ​ഹി​രാ​കാ​ശ നി​ല​യ​ത്തി​ന്​ പു​റ​ത്തി​റ​ങ്ങി ആ​റ​ര മ​ണി​ക്കൂ​ർ അ​ന്ത​രീ​ക്ഷ​ത്തി​ൽ അ​ദ്ദേ​ഹം ചെ​ല​വ​ഴി​ക്കും. നേരത്തെ 7 തവണ സ്പേസ് വാക് നടത്തിയ സ്റ്റീഫൻ ബോവൻ ആണ് നെയാദിക്ക് കൂട്ടിനുള്ളത്. ബഹിരാകാശത്തെ കഠിന അന്തരീക്ഷത്തിൽ നിന്നും വികിരണങ്ങളിൽ നിന്നും സഞ്ചാരികളെ രക്ഷിക്കുന്ന ഇവിഎ സ്യൂട്ട് ധരിച്ചാണ് നെയാദി ഇറങ്ങുക. സാധാരണയായി അറ്റകുറ്റപ്പണികൾക്കോ ​​പുതിയ ഉപകരണങ്ങൾ പരീക്ഷിക്കുന്നതിനോ അല്ലെങ്കിൽ കടന്നുപോകുന്ന ഉപഗ്രഹങ്ങൾ നന്നാക്കുന്നതിനോ ആണ് രാജ്യാന്തര നിലയത്തിൽനിന്ന് സഞ്ചാരികൾ പുറത്തിറങ്ങാറുള്ളത്.

ഇതിനായി 2018 മുതൽ നാസയിൽ നെയാദി കഠിന പരിശീലനം നടത്തിയിരുന്നു. ഇതോടെ ബഹിരാകാശ നിലയത്തിൽ പങ്കാളിത്തമില്ലാത്ത ഒരു രാജ്യത്തെ പ്രതിനിധി സ്പേസ് വാക്ക് നടത്തുന്നു എന്ന റെക്കോഡും അൽഐനിൽനിന്നുള്ള 41കാരനെ തേടിയെത്തും. യു.എസ്, റഷ്യ, യൂറോപ്പ്, കാന‍ഡ, ജപ്പാൻ എന്നിവിടങ്ങളിൽനിന്നുള്ള സഞ്ചാരികൾ മാത്രമാണ് നേരത്തെ ബഹിരാകാശ നടത്തത്തിനു തിരഞ്ഞെടുത്തിരുന്നത്. 1998ൽ ​ബ​ഹി​രാ​കാ​ശ നി​ല​യം സ്​​ഥാ​പി​ച്ച ശേ​ഷം ഇ​തു​വ​രെ 259 ബ​ഹി​രാ​കാ​ശ​യാ​ത്രി​ക​ർ മാ​ത്ര​മാ​ണ് ബ​ഹി​രാ​കാ​ശ​ത്ത്​ ഒ​ഴു​കി​ന​ട​ന്നി​ട്ടു​ള്ള​ത്. 700ൽ ​താ​ഴെ ബ​ഹി​രാ​കാ​ശ ന​ട​ത്ത​ങ്ങ​ളാ​ണ്​ ആ​കെ ന​ട​ന്നി​ട്ടു​ള്ള​ത്. നാ​സ​യാ​ണ്​ അ​ൽ നി​യാ​ദി​യെ ദൗ​ത്യ​ത്തി​ന്​ തി​ര​ഞ്ഞെ​ടു​ത്ത​ത്. വൈ​കീ​ട്ട് 4.30 മു​ത​ൽ http://mbrsc.ae/live വ​ഴി ത​ത്സ​മ​യ സം​പ്രേ​ഷ​ണ​മു​ണ്ടാ​കും.