പാം ജുമൈറയുടെ ഇരട്ടി വലുപ്പമുള്ള പാം ജബൽ അലി, ആഡംബര റിസോർട്ടുകളും ഹോട്ടലുകളുമായി പുതിയ പദ്ധതി

പാം ​ജു​മൈ​റ​യു​ടെ ഇ​ര​ട്ടി വ​ലു​പ്പ​ത്തി​ൽ പാം ​ജ​ബ​ൽ അ​ലി പ്ര​ഖ്യാ​പി​ച്ച്​ യു.​എ.​ഇ വൈ​സ്​ പ്ര​സി​ഡ​ൻ​റും ​പ്ര​ധാ​ന​മ​ന്ത്രി​യും ദു​ബൈ ഭ​ര​ണാ​ധി​കാ​രി​യു​മാ​യ ഷെയ്ഖ് മു​ഹ​മ്മ​ദ്​ ബി​ൻ റാ​ശി​ദ്​ ആ​ൽ മ​ക്​​തൂം. പാം ജബൽ അലിയുടെ പുതിയ ഫ്യൂച്ചറിസ്റ്റിക് മാസ്റ്റർപ്ലാൻ ഷെയ്ഖ് മുഹമ്മദ് ബിൻ റാഷിദ് അൽ മക്തൂം അംഗീകരിച്ചു.
പാം ​ജ​ബ​ൽ അ​ലി​ പദ്ധതിയിൽ ഏകദേശം 110 കിലോമീറ്റർ തീരപ്രദേശം കൂട്ടിച്ചേർക്കുകയും ലോ​ക​ത്തി​ന്‍റെ വി​വി​ധ ഭാ​ഗ​ങ്ങ​ളി​ലെ ടൂ​റി​സ്റ്റു​ക​ളെ ആ​ക​ർ​ഷി​ക്കു​ന്ന 80 ഹോ​ട്ട​ലു​ക​ളും റി​സോ​ർ​ട്ടു​ക​ളും നിർമ്മിക്കും. ഷെയ്ഖ് മു​ഹ​മ്മ​ദാ​ണ്​ ഇ​ക്കാ​ര്യം ട്വി​റ്റ​റി​ൽ വെ​ളി​പ്പെ​ടു​ത്തി​യ​ത്.

ദുബായ് വളരുകയും അഭിവൃദ്ധി പ്രാപിക്കുകയും ചെയ്യുന്നുവെന്ന് പാം ജബൽ അലിയുടെ പദ്ധതി പ്രഖ്യാപിച്ചുകൊണ്ട് ഷെയ്ഖ് മു​ഹ​മ്മദ് പറഞ്ഞു. ലോ​ക​ത്തി​ലെ ഏ​റ്റ​വും മ​നോ​ഹ​ര​മാ​യ ന​ഗ​ര​മെ​ന്ന പേ​രി​ലേ​ക്ക്​ ഓ​രോ ദി​വ​സ​വും പു​തി​യ പ്രോ​ജ​ക്​​ടു​ക​ളു​മാ​യി ന​ട​ന്ന​ടു​ക്കു​ക​യാ​ണെ​ന്നും 2033ഓ​ടെ ദു​ബൈ​യു​ടെ സാ​മ്പ​ത്തി​ക മേ​ഖ​ല ഇ​ര​ട്ടി​യാ​ക്കാ​ൻ ല​ക്ഷ്യ​മി​ട്ടാ​ണ്​ പ​ദ്ധ​തിയെന്നും ശൈ​ഖ്​ മു​ഹ​മ്മ​ദ്​ പ​റ​ഞ്ഞു. ച​ട​ങ്ങി​ൽ യു.​എ.​ഇ ധ​ന​കാ​ര്യ മ​ന്ത്രി​യും ദു​ബൈ ഉ​പ​ഭ​ര​ണാ​ധി​കാ​രി​യു​മാ​യ ഷെയ്ഖ് ​മ​ക്​​തൂം ബി​ൻ മു​ഹ​മ്മ​ദ്​ ബി​ൻ റാ​ഷി​ദ്​ ആ​ൽ മ​ക്​​തൂ​മും പ​​ങ്കെ​ടു​ത്തു. പദ്ധതിയുടെ മാസ്റ്റർപ്ലാനും അനാച്ഛാദനം ചെയ്തു.