ദുബായിൽ ഈദുൽ ഫിത്വർ അവധി ദിവസങ്ങളിലെ സമയക്രമം പ്രഖ്യാപിച്ച് റോഡ്സ് ആൻഡ് ട്രാൻസ്പോർട്ട് അതോറിറ്റി. മാർച്ച് 29 ശനിയാഴ്ച മുതൽ ഏപ്രിൽ 2 ചൊവ്വാഴ്ച വരെ സർവീസുകൾക്ക് മാറ്റമുണ്ടാകും, സാധാരണ പ്രവർത്തനം ഏപ്രിൽ 3 ബുധനാഴ്ച മുതൽ പുനരാരംഭിക്കും.
മെട്രോ & ട്രാം
ദുബായ് മെട്രോ റെഡ് & ഗ്രീൻ ലൈൻ സ്റ്റേഷനുകൾ മാർച്ച് 29 (ശനി) മുതൽ ഏപ്രിൽ 2 (ചൊവ്വ) വരെ രാവിലെ 5:00 മുതൽ പുലർച്ചെ 1:00 വരെ പ്രവർത്തിക്കും. മാർച്ച് 30 (ഞായർ) മാത്രമായി, മെട്രോ രാവിലെ 8:00 മുതൽ ആരംഭിക്കും.ദുബായ് ട്രാം മാർച്ച് 29 മുതൽ 31 വരെ (ശനി മുതൽ തിങ്കൾ) രാവിലെ 6:00 മുതൽ പുലർച്ചെ 1:00 വരെ പ്രവർത്തിക്കും, എന്നാൽ മാർച്ച് 30 (ഞായർ) സർവീസ് രാവിലെ 9:00 മുതൽ തുടങ്ങും.
ബസ് & മറൈൻ സർവീസ്
E100 (അൽ ഘുബൈബ ബസ് സ്റ്റേഷൻ) & E102 റൂട്ടുകൾ 28 റമദാൻ മുതൽ 3 ശവ്വാൽ വരെ നിർത്തിവയ്ക്കും. അബൂദബിയിലേക്കുള്ള യാത്രക്കാർ ഇബ്ന് ബത്തൂത്ത ബസ് സ്റ്റേഷനിൽ നിന്ന് പ്രവർത്തിക്കുന്ന E101 റൂട്ട് പ്രയോജനപ്പെടുത്താം. ദുബായ് ബസ്, വാട്ടർ ടാക്സി, ദുബായ് ഫെറി, പരമ്പരാഗത അബ്ര, ഇലക്ട്രിക് ഹെറിറ്റേജ് അബ്ര എന്നിവയുടെ സമയക്രമം അറിയാൻ “S’hail” ആപ്പ് ഉപയോഗിക്കുകയോ, അല്ലെങ്കിൽ RTA വെബ്സൈറ്റ് സന്ദർശിക്കുകയോ ചെയ്യാം.
പാർക്കിംഗ് & കസ്റ്റമർ സർവീസ്
പൊതു പാർക്കിംഗ് സൗകര്യം 1 മുതൽ 3 ശവ്വാൽ വരെ പ്രത്യേകപാർക്കിങ് ഒഴികെയുള്ള എല്ലാ പാർക്കിംഗ് മേഖലകളും സൗജന്യമായിരിക്കും. പാർക്കിംഗ് ഫീസ് ശവ്വാൽ 4 മുതൽ പുനരാരംഭിക്കും. കസ്റ്റമർ ഹാപ്പിനെസ് സെന്ററുകളും വാഹന പരിശോധന കേന്ദ്രങ്ങളും 1 മുതൽ 3 ശവ്വാൽ വരെ അടഞ്ഞിരിക്കുമെങ്കിലും ദെയ്റ, അൽ ബർഷ, അൽ കിഫാഫ്, RTA ഹെഡ്ക്വാർട്ടേഴ്സ് എന്നിവിടങ്ങളിലെ സ്മാർട്ട് സെന്ററുകൾ 24/7 പ്രവർത്തിക്കും. പ്രവാസികളും സന്ദർശകരും യാത്രാ പദ്ധതികൾ ആസൂത്രണം ചെയ്യുന്നതിനായി അതാത് ഡിജിറ്റൽ പ്ലാറ്റ്ഫോം ഉപയോഗിക്കേണ്ടതാണെന്നും RTA അറിയിച്ചിട്ടുണ്ട്.