ദുബായിൽ ഇത്തവണത്തെ റമദാനിൽ നടക്കുന്ന പരിപാടികൾ സംബന്ധിച്ച് അറിയിപ്പ് നൽകുന്ന ഔദ്യോഗിക കലണ്ടർ പുറത്തിറക്കി. നഗരവ്യാപകമായി ഏകദേശം 30 ദിവസം നീണ്ടുനിൽക്കുന്ന സാംസ്കാരിക, സാമൂഹിക പരിപാടികളാണ് ഇതിന്റെ ഭാഗമായി അവതരിപ്പിക്കുന്നത്. റമദാൻ ഇൻ ദുബായ് പ്രചാരണ പരിപാടിയുടെ ഭാഗമായാണ് ഔദ്യോഗിക കലണ്ടർ പുറത്തിറക്കിയത്.
ഹാഗ് അൽ ലൈലയിൽ ആരംഭിച്ച് ദുബായിലെ ഈദോടെ അവസാനിക്കുന്ന വിശാലമായ ഒരു സാംസ്കാരിക യാത്രയാണ് ദുബായിലെ റമദാൻ. യുഎഇയുടെ സാമൂഹിക-ആത്മീയ ജീവിതത്തിൽ റമദാൻ ഒരു പ്രധാന സ്ഥാനം വഹിക്കുന്നുണ്ട്.
റമദാന്റെ ഭാഗമായി നടക്കുന്ന പ്രധാന പരിപാടികളുടെ വേദികൾ:
റമദാൻ സ്ട്രീറ്റ് ഫുഡ് ഫെസ്റ്റിവൽ – 2026 ഫെബ്രുവരി 16 മുതൽ മാർച്ച് 15 വരെ. ഷെയ്ഖ് ഹംദാൻ കോളനിയിൽ.
ഗ്ലോബൽ വില്ലേജിൽ നടക്കുന്ന റമദാൻ വണ്ടേഴ്സ് പരിപാടികൾ – ഫെബ്രുവരി 18 മുതൽ മാർച്ച് 18 വരെ.
റമദാൻ ബൈ ദി ബേ – ഫെബ്രുവരി 18 മുതൽ മാർച്ച് 28 വരെ. ദുബായ് ഫെസ്റ്റിവൽ സിറ്റി മാളിലെ ഫെസ്റ്റിവൽ ബേയിൽ.
റമദാൻ ഫയർവർക്സ് – ഫെബ്രുവരി 19 മുതൽ മാർച്ച് 19 വരെ. അൽ സീഫ്, ദുബായ് ക്രീക്ക് എന്നിവിടങ്ങളിൽ.
റമദാൻ ഡ്രോൺ ഷോ – ഫെബ്രുവരി 19 മുതൽ മാർച്ച് 19 വരെ.
റമദാൻ അറ്റ് ദി ബീച്ച്, JBR – ഫെബ്രുവരി 18 മുതൽ മാർച്ച് 22 വരെ.
റമദാൻ റിഫ്ളക്ഷൻസ് – ഫെബ്രുവരി 19 മുതൽ മാർച്ച് 22 വരെ. അൽ സീഫ്, ദുബായ് ഫെസ്റ്റിവൽ സിറ്റി മാൾ എന്നിവിടങ്ങളിൽ.
ഹായ് റമദാൻ അറ്റ് എക്സ്പോ സിറ്റി ദുബായ് – ഫെബ്രുവരി 22 മുതൽ മാർച്ച് 17 വരെ.
റമദാൻ അറ്റ് സിറ്റി വാക് – ഫെബ്രുവരി 17 മുതൽ മാർച്ച് 18 വരെ.
റമദാൻ അറ്റ് സിറ്റി സെന്റർ മിർദിഫ് – ഫെബ്രുവരി 20 മുതൽ മാർച്ച് 7 വരെ.