ദുബൈയിൽ നോമ്പുതുറ സമയവുമായി ഏ​ഴി​ട​ങ്ങ​ളി​ൽ പീ​ര​ങ്കി​ക​ൾ മു​ഴ​ങ്ങും

ദുബൈയിൽ നോമ്പുതുറ സ​മ​യ​മ​റി​യി​ച്ച്​ മു​ഴ​ങ്ങു​ന്ന പ​ര​മ്പ​രാ​ഗ​ത പീ​ര​ങ്കി​ക​ൾ ഏ​ഴി​ട​ങ്ങ​ളി​ൽ മു​ഴ​ങ്ങുമെന്ന് ദുബൈ പോലീസ് അറിയിച്ചു. എ​ക്സ്​​പോ സി​റ്റി ദു​ബൈ, ഡ​മാ​ക്​ ഹി​ൽ​സ്, വി​ദ ക്രീ​ക്ക്​ ഹാ​ർ​ബ​ർ, ബു​ർ​ജ്​ ഖ​ലീ​ഫ, മി​ർ​ദി​ഫ്​ ഡൗ​ൺ​ടൗ​ൺ, ഫെ​സ്റ്റി​വ​ൽ സി​റ്റി, ഹ​ത്ത ഗ​സ്റ്റ്​ ഹൗ​സ്​ എ​ന്നീ ഏ​ഴു സ്ഥ​ല​ങ്ങ​ളി​ലാ​ണ്​ പീ​ര​ങ്കി​ക​ൾ സ്ഥാ​പി​ക്കു​ക. ഏ​റ്റ​വും പ്ര​ധാ​ന​പ്പെ​ട്ട പീ​ര​ങ്കി എ​ക്സ്​​പോ സി​റ്റി ദു​ബൈ​യി​ലാ​ണ്​ സ്ഥാ​പി​ക്കു​കഎന്നും പോലീസ് അറിയിച്ചു.

മൊ​ബൈ​ൽ പീ​ര​ങ്കി 13 നി​ശ്ചി​ത സ്ഥ​ല​ങ്ങ​ളി​ൽ ര​ണ്ടു ദി​വ​സം വീ​ത​മാ​ണ്​ പ്ര​വ​ർ​ത്തി​ക്കു​ക. അൽ സത്വ ബിഗ് മസ്ജിദിൽ നിന്ന് പീരങ്കിയുടെ യാത്ര ആരംഭിക്കുമെന്നും ബുർജ് ഖലീഫ, നാദ് അൽ ഷെബ, അൽ ഗഫ് വാക്ക്, ഉമ്മു സുഖീം മജ്‌ലിസ്, സബീൽ പാർക്ക് എന്നിവിടങ്ങളിലൂടെയാവുമെന്നും പോലീസിലെ ഓപ്പറേഷൻസ് അഫയേഴ്‌സ് അസിസ്റ്റൻ്റ് കമാൻഡൻ്റ് മേജർ ജനറൽ അബ്ദുല്ല അൽ ഗൈതി പറഞ്ഞു.

1960ക​ളി​ൽ ഉ​പ​യോ​ഗി​ച്ച ര​ണ്ട്​ വി​ന്‍റേ​ജ്​ ഫ്ര​ഞ്ച്​ പീ​ര​ങ്കി ഇ​ത്ത​വ​ണ​യും ഉ​പ​യോ​ഗി​ക്കു​ന്നു​ണ്ട്. അ​റ​ബ്, ഇ​സ്​​ലാ​മി​ക രീ​തി​യ​നു​സ​രി​ച്ച്​ പീ​ര​ങ്കി പ്ര​വ​ർ​ത്തി​പ്പി​ക്കു​ന്ന​തി​ന്​ പ്ര​ത്യേ​ക സം​ഘ​ത്തെ ദു​ബൈ പൊ​ലീ​സ്​ ഓ​രോ കേ​ന്ദ്ര​ങ്ങ​ളി​ലും സം​വി​ധാ​നി​ക്കും. മാ​സ​പ്പി​റ​വി തെ​ളി​ഞ്ഞാ​ൽ ര​ണ്ടു പ്രാ​വ​ശ്യം പീ​ര​ങ്കി​ക​ൾ മു​ഴ​ങ്ങും. പി​ന്നീ​ട്​ ഓ​രോ ദി​വ​സ​വും ഇ​ഫ്താ​ർ സ​മ​യ​ത്തും ഈ​ദു​ൽ ഫി​ത്​​ർ നി​ർ​ണ​യി​ക്ക​പ്പെ​ട്ടാ​ലും പീ​ര​ങ്കി​ക​ൾ മു​ഴ​ങ്ങും. പെ​രു​ന്നാ​ൾ ദി​വ​സം രാ​വി​ലെ​യും ര​ണ്ടു ത​വ​ണ​ക​ളി​ലാ​യി പീ​ര​ങ്കി മു​ഴ​ക്കാ​റു​ണ്ട്. റ​മ​ദാ​ൻ മാ​സ​പ്പി​റ​വി കാ​ണു​ന്ന​തി​ന് മു​ന്നോ​ടി​യാ​യു​ള്ള ഒ​രു​ക്ക​ങ്ങ​ൾ പൂ​ർ​ത്തി​യാ​യ​താ​യും അ​ധി​കൃ​ത​ർ വെ​ളി​പ്പെ​ടു​ത്തി.