പ്രമുഖ ആരോഗ്യ സേവന കമ്പനിയായ MED7 ഗ്രൂപ്പിന്റെ പുതിയ സംരംഭമായ MED7 ഓൺലൈൻ അപ്ലിക്കേഷൻ പുറത്തിറക്കി. ഡോ. ഖാസിം, സോഷ്യൽ മീഡിയ ഇൻഫ്ലുവൻസറായ യൂസഫ് അൽ കാബി എന്നിവർ ചടങ്ങിൽ മുഖ്യാതിഥികളായിരുന്നു. കൂടാതെ കമ്പനി ഡയറക്ടർമാർ, സപ്ലയേഴ്സ്, ഫാർമസി മാനേജർമാർ തുടങ്ങിയ വരും പരിപാടിയിൽ പങ്കെടുത്തു. ME7 ഗ്രൂപ്പിന്റെ വിശ്വാസപൂർണ്ണമായ സേവനങ്ങളെ ഡിജിറ്റൽ മേഖലയിൽ എത്തിക്കാനുള്ള ശ്രമമാണ് MED7 ഓൺലൈൻ.
ഗൾഫ് മേഖലയിലുടനീളം പ്രവർത്തനമാരംഭിച്ച MED7 ഓൺലൈൻ 1 മണിക്കൂർ ഡെലിവറി, അടുത്ത ദിവസം ഡെലിവറി, ചികിത്സകന്റെ പ്രിസ്ക്രിപ്ഷനുകളിലൂടെ ഓൺലൈൻ മരുന്ന് ഡെലിവറി തുടങ്ങിയ സൗകര്യങ്ങൾ പ്രദാനം ചെയ്യുന്നുണ്ട്. കൂടാതെ, ഡെഡിക്കേറ്റഡ് റിവാർഡ്സ് പ്രോഗ്രാമുകൾ വഴിയും ഉപഭോക്താക്കളെ പ്രോത്സാഹിപ്പിക്കുന്നു.
ഉൽഘാടനത്തിന്റെ ഭാഗമായി MED7 ഓൺലൈൻ 7 ദിവസത്തെ പ്രത്യേക ക്യാമ്പെയ്ൻ നടത്തുന്നു, ഉപഭോക്താക്കൾക്ക് ആകർഷകമായ ഓഫറുകളും സവിശേഷമായ അനുഭവവും നൽകുന്നതിനുള്ള ഈ പ്രത്യേക പരിപാടി വലിയ സ്വീകാര്യത നേടുമെന്ന് പ്രതീക്ഷിക്കുന്നതായി കമ്പനി അധികൃതർ പറഞ്ഞു. ചടങ്ങിൽ ജുനൈദ് ആനമങ്ങാടൻ, ഡോ. ഖാസിം, മുഹ്സിൻ എന്നിവർ ആശംസകൾ നേർന്നു. MED7 ഓൺലൈന്റെ ഈ പുതിയ തുടക്കം ഗൾഫ് മേഖലയിലെ ആരോഗ്യ മേഖലയ്ക്ക് പുതിയ ചുവടുവയ്പുകൾ നൽകുമെന്നാണ് എല്ലാവരും വിശ്വസിക്കുന്നതെന്നും അധികൃതർ വ്യക്തമാക്കി.