പൊതുമേഖലാ ജീവനക്കാർക്ക് ബലിപെരുന്നാൾ അവധി പ്രഖ്യാപിച്ചു

ഷാർജ എമിറേറ്റിൽ പൊതുമേഖലാ ജീവനക്കാർക്കുള്ള ഈദ് അൽ അദ്ഹ അവധി തീയതികൾ പ്രഖ്യാപിച്ചു. ജൂൺ 15 ശനിയാഴ്ച മുതൽ ജൂൺ 18 ചൊവ്വ വരെയായിരിക്കും പൊതുമേഖലയിലെ പൊതുമേഖലാ ജീവനക്കാർക്ക് ബലിപെരുന്നാൾ അവധി ദിവസങ്ങൾ എന്ന് ഫെഡറൽ അതോറിറ്റി ഓഫ് ഹ്യൂമൻ റിസോഴ്‌സസ് പ്രഖ്യാപിച്ചിരുന്നു. ജൂൺ 15 ശനിയാഴ്ച മുതൽ ജൂൺ 18 ചൊവ്വ വരെ സ്വകാര്യ മേഖലയുടെ അവധി ദിവസങ്ങൾ ആയിരിക്കും. ജൂൺ 7 വെള്ളിയാഴ്ച അബുദാബിയിൽ മാസപ്പിറവി കണ്ടശേഷമാണ് മാനവ വിഭവശേഷി എമിറേറ്റൈസേഷൻ മന്ത്രാലയം (മൊഹ്രെ) പെരുന്നാൾ ദവസവും അവധികളും പ്രഖ്യാപിച്ചത്.

ജൂൺ 15 മുതൽ ജൂൺ 18 വരെയാണ് രാജ്യത്ത് ബലിപെരുന്നാൾ അവധി. ഷാർജ സർക്കാർ ജീവനക്കാർക്ക് വെള്ളിയാഴ്ച വാരാന്ത്യത്തോടൊപ്പം 5 ദിവസത്തെ അവധി ലഭിക്കും. നേരത്തെ ദുബായ് ഗവർൺമെൻ്റും ജൂൺ 15 ശനിയാഴ്ച മുതൽ ജൂൺ 18 ചൊവ്വാഴ്ച വരെ സർക്കാർ ജീവനക്കാർക്ക് ഈദ് അൽ അദ്ഹ അവധി പ്രഖ്യാപിച്ചിരുന്നു. ജൂൺ 19 ബുധനാഴ്ച ഔദ്യോഗിക ജോലികൾ പുനരാരംഭിക്കും. ജൂൺ 15 മുതൽ ജൂൺ 18 വരെ പൊതുമേഖലാ ജീവനക്കാർക്കായി അബുദാബിയും ഈദ് അൽ അദ്ഹ അവധി പ്രഖ്യാപിച്ചു. ജൂൺ 19 ന് ഔദ്യോഗിക പ്രവർത്തനങ്ങൾ പുനരാരംഭിക്കും.

അവധിക്കാല സർക്കുലർ അനുസരിച്ച്, അധികാരികൾ, വകുപ്പുകൾ, ഷിഫ്റ്റുകളിൽ ജോലി ചെയ്യുന്ന ജീവനക്കാർ അല്ലെങ്കിൽ പൊതു സേവനങ്ങളിൽ ഏർപ്പെട്ടിരിക്കുന്ന സ്ഥാപനങ്ങൾ അല്ലെങ്കിൽ പൊതു സൗകര്യങ്ങളുടെ മാനേജ്മെൻ്റ് എന്നിവയ്ക്ക് പൊതു അവധി ബാധകമാണ്. അവധിക്കാലത്ത് അവരുടെ സ്ഥാപനങ്ങളുടെ സുഗമമായ പ്രവർത്തനം നിലനിർത്തുന്നതിന് ആവശ്യകതകളെ അടിസ്ഥാനമാക്കി ജീവനക്കാർക്ക് ജോലി സമയം നിശ്ചയിക്കാം.